21 ê Adarê
Ehmed mustefa
cejna Newrozê
Demê Newroz roja xwe hiltê
Demê Newroz tîrêja xwe ronî didê
demê Newroz ( bi xêr ) li me vedigerê
Bihna şitlê rihana ji asîmana hiltê
Demê roja 21ê Avdarê tê
Bihna gulan ji Erdê hildikelê
Demê zivistan Ewirên xwe yên bi tirs ji hev diqetin
û hêdî hêdî buhar derbes dibe
Ew dema Newroz silav li me dike
Bi dilekî nazdar û şêrîn roja xwe pîroz dike
Zivistan
Zivistan Ewirên reş û tarî
Roj bi roj baran dibarî
Dengê birûska Li Ezmana diteqî
Li êstêran cihê xwe nedidît
Buhar
Buharê rengê xwe belav kir
Zivistan çû ……Buhar.. hat
Gul û nêrgiz ve bûn li deşt û çîya
Şeva reş çû û roja xweş vegerîya
Dengê çûka û tîtîya
Rengê kesk û sor û zer
Li paş çîya
Genim û ceha şîn dan li ser rîya
Newroz xweş bû bi dengê lîlîya
Şeva agir
Xortên ciwan û keçên bedew
Bi soz û peyman
Bi xwen û xeyal
Bi dil û can
( Ê )
vegerin
Li ser
Doza niştiman
Êvar a Newrozê
Keçên bedew
Xortên şepal
Dest bi dest
Diçin dîlan
Zerok û mindal
Tev pîr û kal
Ev dost û heval
Ev cejna we delal
Xortên şervan
Keçên bedew
Ev dehol û zurne
Ev agir û dîlan
Ev gund û bajar
Ev Ala rengîn
Ev roja we ye pîroz
Şev çû ve rojhelat
Bi bîr û bawerî Newroz û seyran
Rengê kesek li deşt û çîya
Li ser zinar şîn tê geya
Îro xort û keç vegerîn gundîya
Belê Mehabad û Dîyarbekir û Efrîn
Bi kel û girîya
Qamşlo û Kobanê
tev Kerkûk û Batmanê
û li Amedê
Xwîn rijîya
Bang dikim wan çar alîya
Lê çi bikim dengê min westîya
Bang dikim rojhelat
lê çi bikim cîgerê min helîya
Bang dikim rojava
lê çi bikim dil şewitîya
Bang dikim başur
lê çi bikim çav westîya
Bang dikim bakur
lê çi bikim Erd û ezman hejîya
Berhev dikim
wan çar alîya
Dibêjim bibin wek Kurdistanîya
Lê çi bikim dil û can ji hev qetîya
Dijimin
Dijminên Kurdan dikenin
Û dibêjin sal çû
Û sal vegerî
Hûn nabînin
yek welatî
Û dibêjin
Hûn ê her bimînin bi çar alîya
Newroz
Newroz cejna te pîroz
Newroz roja te pîroz
Kurdino cejna we pîroz
Hevalino roja we pîroz
Girtîno cejna we pîroz
Bindestino cejna we pîroz
şoreşino cejna we pîroz
karkirino cejna we pîroz
Sêwîno cejna we pîroz
Sêwîno roja we pîroz
her sal bi xêr û xweşî û şadî li me vegerê (newroz)
