Cejna qurbanê li ser kêla pakrewanên Qamişlo
Ehmed Mustefa
Vê cejnê ez bi tenê mam
Na day û ne jî bav
Na xûşik û ne jî bira
Vê cejnê bi tenê
Dil melûl me
Bê yar û bi heval
Bê ax û bi zinar
Bê stêrk û bi asîman
Bê sînor û bi ziman
û her hejar
Em bi tenê bê welat man
Em bi tenê bê sînor man
Bi tenê
Car li benda wê dimînim
û car dengê wan dibihîsim
Bi tenê li rêya tehil û şêrîn meyze dikim
Bi tenê sebrê min nayê
Bi tenê xwen û xayalê min direvin
Bi tenê pelên gîyanên min ji dilê min diqetin
Car digirîm û car dikenim
Ji ber êşa welêt ji cîgera min dernayê
Bi tenê dil melûl dimîn e
Car nexşeyên kurdistanê meyze dikim
Û car li ala Kurdistanê difirim
Lê bi tenê di zindana çavên te da dimînim
Vê cejnê qurbanê
Evîna min bû ya Sînema Amûdê
Êş û derdê min bû ya serhildana 12 ê avdarê
Girîyên dayîkan li ser gora wan pakrewanan
Bû ye şeva reş û tarî
Ev çi bi serê me Kurdan de hatî
Bi tenê
hêstirên çavê min,
Dilopên xwînê jê têne xwer
Kezeb dişewitê, can dihelê
Bi tenê welatooo
Helbeçe tê bîra min
Sînema Amûdê ket xwen û xayalê min
Serhildana Qamîşlo bû ye tîrêja roja min
Kobanî û Efrîn bû ne rojhelata roja min
Heyf welato îro bi tenê man
Bi tenê di zindana sînora dilê teda man
Bi tenê bê welat man
Bi tenê ez û te man
û bi tenê li benda roja nûh man
Çima bi tenê ey welato
Çima bi tenê ey dilşeweto
EHMED MUSTEFA
