Nivîsên din yên Nivîskarî: :Feqîr Ehmed EZ IM KURDISTAN!       Vegere destpêkê

GUL BÛ ALA MIN!   Bihar keske, sor û şîn Gulê di virda dida bîn Gelê Kurd tev şîyar bû Gul bû Al û da min jîn!   Gulê hate mala min Evîn û ser sala min Al kete nav dilê min Ronayî da çavên min   Navê gulê Ala min Evîn kete mala min Li ser serî û va çavan Al ronaya dilê min   Al jî xemla mala min Çand û huner dida min Maçek dikir Ala xwe Al xwasteka dilê min!     Min Ala xwe hilda jor! Her der dibû kesk û sor! Ciwanên Kurd pêhlîwan Rabûn û xwe dane dor!   Min dît silavek lê kir Dilê min jî pirr geş kir! Di vê cejina newroz da Kurdan pîrozek lê kir!   Al tu bûyî jîna min Evîn û tu xana min Tu bûyê Ala rengîn Tu hatî ser bana min!   Ala kesk, sor gehwer Al ji min re bû bêhder Min Al danî her derê Li ba ket û bû cehwer!     Al li baket dil û can Silavek lê da Kurdan Keç û xortên şoreşvan Al senbola Kurdistan!   Al li Dêrsim dibû reng Bi dijmin re kirin ceng Ciwanê Kurd qehreman Li vê derê didan deng!   Al li deşta berazîyan Li ba ket û bû rêzan Din, Şedad, Dîd û Pîj Rakir tev qata xizan!   Ala min li Elbistan Ciwan duçû dibistan Al ket cejina Bêşîkçî Her derê bû gulistan!     Ala min li Zagrosê Bi çar rengan dibrûsê Ji Surûc heta bi Wanê Gihîşt deşta Bitlîsê!   Silêmanî û Kermanşah Al li her der bû nîşan Hêzên Kurdan gîhştin hev Civîn çêbû li Senendaş!   Al li Amed li ba kirin Mêrê Kurdan şer Kirin Riha, Mardîn û Qamîşlo Xarpût tevî xwe kirin!   Bingol, Sêrt û Hekarî Li Agirîyê xwîn dibarî! Al li Meraş, li Ezirgan Meletî tu ker û lalî!     Al li Şengal dibû geş Kêfa gel li Dehok xweş Gelê meyî Kurdistan Di xwûnin Dîwana Reş!   Dayîk bankir kurê min Al rakir dida dest min Xemla min bi xwîna gel! Ger hilbidin li ser min!   Ezda bankir lawê min Hele hûn were cem min Xemla min bi xwîna gel! TevAla we û Ala min!   Me bo Alê xwîn rêj kir! Bi sed salan dirêj kir Tirk, Ereb û Fariz tev Xwînê bi wan re şer kir!     Rêhber ew dîrok anî Jê des girtin û danîn Bo namûs û jîna xweş! Navê Kurdistan danîn!   Ala Sor û gul pêrî Nûçe hatin ber derî Gel dest didane hev Al rakirin ser serî!   Alê bîn da, jîn dida Li her derê pêl dida Ew nemirên Kurdistan Rabûn silav lê didan!   Gula kesk û gula sor Rengê zerî berda dor DibîAla rengê xweş! Bû giha û hildan jor!         Ala min li dibistan Şênî hatin kardistan Dibû şahî şêhnayî Ronayî da Kurdistan!   Li ser banan dibû geş! Welat gîşkî kire xweş! Şoreşgerên Kurdistan Ber Ala min kirin meş!   Ala Şirîn û gula şîn Li her derê duda bîn! Gelê Kurdistan Feqîr Dida wan tev hev jîn!   Feqîr Ehmed 24.10.1981         WELAT BIGRIN JI DIJMINAN!   Gelo werin bigêne hev Xebat biki bi roj û şev Eme bibin hêza karkir Hember dijmin bibin dev   Feqîr banke keç û xortan Rextên çekan bavên milan Bi zanistî rabin ser xwe Welat bigrin ji dijminan!   Feqîr Ehmed 22.10.2010    Vegere destpêkê