Darvekirina birînan
Evîn Şikakî
piştî min xwe ji buharê veqetand
gula nehîniyên xwe ji min re ne digotin
min birînên xwe bi darve kirin
Ji tewafa bîranînan re
xemên xwe, êş...bi êş kezaxtin
zarok li pey pirpirîkên rengîn dikevin
Ji kulîlkên sipî, zer ristikek ji kenê xwe
gerdena aso xelat dikrin
çiroka dara çil awaz ji nêrgiza re digotin
adare..
bihna buharê ji ber dilka şevê tê
destê Miryemê
ji hilgirtina gulê çilmisî
westiya ne
çîçeka ber serê neh xweşiya
bi berbûdiyê buharê re rêdikir
zarok diwestiyan
xalxaloka mala, xalan nîşa wan dikirin
tava heyv ji tariyê direvî
ez jî, ji xwe direvîm
û
di paxila buharê de min xwe diveşart
hêviyên
xwe bi rondikan pîne dikirin
keserê xwe jî li pişta bayekî reş siwar dikir
û
ber bi rojava ve dibir
Mêrem: dayka şehidekiye ji Dêrika Hemko navê wî Husên ne
