Birêz kekê Hesen Slêvanî, serokê Yekîtiya Nivîserên Kurd – Dihok
Birêz endamên Desteka Birêvebir Ya Yekîtiya Nivîserên Kurd – Dihok
Rê bidina me, ku em di destpêka silavnameya xwe de rêz û silavên xwe bigihênine kak Mesûd Berzanî, serokê herêma Kurdisatanê,
hemû endamên parlamento û hikûmeta bashurê Kurdistanê û di kar û xebatên wan de serkeftinê bixwazin.
Bi navê Komîteya Birêvebira Giştî
Dr. Zerdesht Haco
Serekê Navenda PENa Kurd
20..07.2010
Gelî birêzan,
Ji bo vexwendina Navenda PENa Kurd bo Festîvala Dihokê Ya Rewşenbîrî 3
em silav û spasiyên xwe yî dilînî ji amadekar, xebatkar û hemû mêvanên festîvalê re pêşkêş dikin.
Rêxistina me, Navenda PENa Kurd, rêxistineke nivîskarî kurdistanî serbixwe ye, ya ku li ser qada navneteweyî ji bo parastin û bipêşvebirina ziman û wêjeya kurdî dixebite.
Endamên wê nivîskar, wergêr, rojnamevan û weşangêrên kurd ji hemû deverên Kurdistanê û li derveyî welêt in. Endamên me yî ne kurd jî hene, ew li sernaserê cihanê heval û dilsozên ziman û wêjeya me ne.
Navenda PENa Kurd endama Navenda PENa Navneteweyî ye, ya ku 144 PENên neteweyên din heta niha endamên wê ne.
Navenda PENa Navneteweyî li cihanê bi giştî ji bo parastina peyva azad, ji bo aştiyê, ji bo mafên zimanan, ji bo mafên jinê, û ji bo berdana wan nivîskaran ji zîndanan, yên ku ji ber derbirîna ramanên xwe di zîndanan de girtî ne, dixebite.
Gelî birêzan,
Yekîtiya Nivîserên Kurd – Dihok yek ji navendên me yî rewshenbîrî yî sereke ye.
Vê dezgeha Kurdistanî ji roja damezrandina xwe ve bi ser hemû mercên dijwar de karî bû bê didilî xebata xwe berdewam bike.
Ev yek jî bi saya serê rewşenbîrên dêmokrat, yên ku em bi xebat û berhemên wan serbilind in.
Em bi dilgermî dengên xwe didine van rewşenbîrên kurdistanî û bi wan re di yek helwestê de ne, ku baweriya me yî bêdidilî bi mafên gelê kurd û berdewamiya xebata me wê bê chare me bigihêne armancên neteweya me ji bo Kurdistana yekbûyî, azad û dêmokrat, ya ku tenê di wê de ziman û wêjeya me dikarin di mercên xwezayî de, bê qeyd û bend geş bibin.
Em careke din spasiyên xwe ji bo vexwendinê dubare dikin, û ji mehrecanê re birêveçûneke xweş û serketinê dixwazin.
Bi navê Komîteya Birêvebira Gishtî
Dr. Zerdesht Haco
Serekê Navenda PENa Kurd
20..07.2010
