بانگە وازێکی خێراو بەپلە

بؤ ڕێکخراوی نەتەوە یەکگرتوەکانی جیهان

ڕێکخراوی جیهانی مافی مرۆف

ڕێکخراوی لێبوردنی حیهانی

ڕێکخراوی هەواڵنێرانی بێ سنور

یەکێنی ئەوروپاو پەرلەمانی ئەوروپا

یەکێتی ماف ناسان و ماف پارێزەرانی دنیا

هەموو کۆڕو کۆمەڵە نیو نەتەوەیەکانی جیهان

هەروەکوو ئاگادارن و دەزانن ئەوە ماوەی یازدە مانگە دەسەڵاتی خۆسەپێن و ملهوری کۆماری ئیسلامی ئیران دوو لاوی کوردی ڕۆژنامەوان و چالاکی ژینگەی بە ناوی عەدنان حەسەن پوور و هیوا بوتیماری لە گرتووخانەکانی خۆی تووند کردووە و لە هەموو مافێ بێ بەشی کردون .

بەڕێزان : لەماوەی ئەم یازدە مانگەدا ئە و دوولاوە ڕوو بە ڕووی دزێوترین و دڕندانه ترین ئازارو شکنجە و گوشار کراونەتەوە ، بەبەرچاوی جیهان و رای گشتیە وە بۆماوەی زیاتر لە پەنجا ڕۆژ ئەو دوو یلە مانیان لە خواردن گرتوو گیانیان لە دیوارەکانی مەرگ هەڵسویی ، بەڵام کۆماری ئیسلامی ئێران و دەزگای بەناو دادوەری ئەو دەسەڵاتە ئەوەی بۆیان گرنگ نه بوو گیانی ئەم دوو مرۆفەبوو .

وەک وەبیرهێنانەوە جێگای ئاماژە ئێمە هەرلەسەرەتای گرتن و داسەپاندنی سزای سێدارەوە بۆئەم چالاکانە ووتمان و ڕامان گەیاند کە داسەپاندنی سزای قیزەونی سێدارە بۆیان دوورە لە هەر یاساو ڕێسا و ێرنسیبێکی جیهانی و نێو نەتەوەی ، ئەم سزایە پێش ئەوەی بڕیارێکی یاسای بێت و لە لاین دەزگای دادوەریەوە دەرکرابێ زۆرترو زۆرتر سزایەکی ڕامیارییەو پێش تر ناوەندی هەواڵگیری و پۆلیسی سیاسی ڕژێم بڕیاری لەسەرداوە .

پاش ناڕەزایەتی سەرتاسەری جیهان و هاتنەدەنگی تێکڕای ناوەندە و ڕێکخراوە جیهانیەکان و به شی هەرەزۆری گەلان و وڵاتانی پێشکەوتووی دنیا،  و وەستانیان دژی ئەم سزایە ، دوای ئەوەی ئەم دووچالاکە خەڵاتی ئازادی دەربڕین و ڕۆژنامه وانی سەربەستیان پێدرا . سەرەڕای هەمووهاوار و گوشارە نیونەتەوەیەکان ، دەسەڵات لەئێراندا بێ گوێ دانە ئەم داخوازی و هاوارانە هەر سووربووەو سورە لەسەر بڕیاری خۆی .

لەتازەترین هەڵوێست و ڕای سەرۆکی گشتی دەزگای دادوەری ئێراندا دەبینین کە ناوبراو بەڕاشکاوی دەڵێ : سزای سێدارەی عەدنان لە جێگاو شوێن و ناوەندی دیکەوە بڕیاری لەسەردراوەو ئەو ناتوانێ لەم پەیوەندیەدا هیچ بڕیارو هەنگاوێ هەڵگرێ . ئەو وتەیە هەموو بۆچوون و خوێندنەوەکانی ئێمە لە مەڕ دەزگای دادوەری ئێران و گیران وسزای عەدنانەوە بە ڕوونی بەڕاست دەگێڕێت

هەموو هەراو هاوارەکانی دان پێدانان و تاوان باربوونی عەدنان بەدرۆدەخاتە وە . ئێمە وە ک کۆمیتەی هاوبەشی پارێزگاری لە عەدنان و هیوا جارێکی تر داوا لە جیهان و هەموو ناوەندە مرۆف پارێزەرەکان دەکەین کە دژی ئەم بڕیارەی پۆلیسی سیاسی بوەستن و نەیەڵن عەدنان بکرێتە قوربانی ویستە نامرۆیەکانی دەسەڵات . بەهەر جۆرو ڕێگایە کە بۆیان دەکرێت گوشار بخەنە سەر کۆماری ئیسلامی و یەک دەنگ خوازیاری هەڵوەشانەوەی ئەم سزا ناڕەواو قیزەونە بن .

کۆمیتەی هاوبەشی پشتیوانی لە عەنان حەسەن پوور و هیوا بوتیمار

çapkirin