Helwêstî Nawendî PENî Kurdî le ser kampî Altaş

Le Konferansî Nawendî PENî Kurdî da, ke 1-3.06.2007 le Akademî Klausenhof da (şaroşkay Hamminkeln, Almaniya) drûst bû, be pêşniyazî xanim Şemzîn Cîhanî le ser kampî Penaberanî Kurdî Rojhelat be nawî Altaş bas krawe. Çon dezanrêt, le salî 1980we û ta êsta 194 jin û minal û piyawî Kurd naçar în le ser sînorî Urdun û Iraq, le kampî Altaş da seqamgir bin. Hejmarekî zor bûne qurbanî pelamarî konebe’siyekan û terrorî El-Qa’îde. Jiyanî ke şayestey mirow niye, naçûnî minalan bo xwêndin û tund û zorî be dij afretan bûn babetî Konferansî Nawendî PENî Kurdî. 

Konferansî PENî Kurdî radegehênet:

1. Nawendî PENî Kurdî be yekdengî xembarî xoy sebaret zor û tundî be dij Kurdî Rojhelatî Kurdistan le kampî Altaş da diyar dekat;

2. Le Kongrey PENî Nîwdewletî û Konferansî Komîtey Nûseranî Jinî PENî Nîewdewletî da, ke le seretay mangî 7, salî 2007, le paytexî Senegal sharî Dakkar da drûst dekrên, nwênerî ême xanim Bêrîvan Doskî le ser em xale dest be goftugo dekat. Armanc wergirtinî biryarekî PENî Nîwdewletî û agadarkirdinî rêkxrawekanî UNESCO û UNICEF e.

3. Ême tika le hemû destgey rojnamegerî û mediya Kurdî bo agadarkirdinî komeley Kurd û cîhanî derbarey kampî Altaş dekeyn.

Dr. Zorab Aloian

Sekreterî Nawendî PENî Kurdî

Bremen, Almaniya, 7.06.2007

çapkirin