HELWESTNAME - Destlikarkêşan

Ebdal Nurî Ebdal

Desteya kargêrî ya Êketiya nivîskarên kurd/ Tayê Duhok, li roja 5/7 tagîrîya xwe ji bo lîsta hijmar 54 u ji bo lista berbijêrê serokê herêmê hijmar 12 ragehand, dîwarên avahiyê êketiyê jî bi filîks u perokên wan her dû lîsteyan xemlandin u heya tuşêrtên ser bi van listeyan ji li ser karkerên yane ya Eketîya navbirî belavekirin u her ji bo vê meremê li şeva eynî 9/7 u her li baxçeyên êketîyê ahengeka xêzanî hate sazkirin.

 Eve hemu bê rawergirtina endaman ku jêyatîyên partî yên cuda cuda u kesanên serbexwe jî têda hene.

Ez wek endamekê vê êketîyê nerazîbûna xwe li hember vê pêngavê derdibirim u di bînim ev kare radestkirna îradeya nivîskarane jibo lîsteka diyarkirî u weha jî di xwînim ku guherîna nasnameya êketîyê ye ji nasnameyeka nîve-hikumî u nîve-serbexwe ber bi nasnameyeka hizbî,u eve jî ji destdana peyam u gutara rasteqîneya nivîskar u rewşenbîrane, ku pêdivîye gavan ber bi demukrasîkirin u sivîlkirina civakî  pavêjin u kar ji bo kêmkirina deshelata hizbî di hemû reh u gehên civakî da were kirin bi rêya endazekirna dezgehan u serjinûve guherîn u veguhastina nasnameya wan dezgehan u bi vî awayî : yên hizbî ber bi hikumetyê ve bibin u yên hikumetyê ber bi nîv- hikumetiyê  yan nîv-serbexweyê ve bibin u yên nîv hikumetyê ji ber bi na-hikumetyê u serbexweyê ve bibin. Lê çi em di bînin ev biryara êketîya nivîskaran berevajî vê semt u arasteyê ye, ku nasnameya êketiyê ji bazineyekê nîv-serbexwe paş u paş ber bi bazineyekê hizbî vegerand. Helbet ev jî ji destdana serbexweya nivîskarane u rêxweşkere ji bo pêtir maytêkirna hizbî di dezgehan da, anku hizbîkirna dezgehane u ev jî berevajî medenîkirn u demukrasîkirna civakî ye.

Li hember her helwistekî helwîstek din heye, lewma ez jî helwîstê xwe nîşan didim ku ew jî destlikarkêşana mine ji êketîya navbirî u bi vî awayî :

(ez " Ebdal Nurî Ebdal " endamê êkem ê yedek yê Êketiya nivîskarên Kurd/Tayê Duhok, destlikarkêşana xwe ji eketîya navbirî radigehînim wek helwîst wergirtin li hember bêlayenîya wê di helbijartinan da ).

Bijî Kurd u Kurdistan u tevî şiyan ji bo avakirna civakekê sivîl u demukratxwaz .

çapkirin