Komîta mehrecanê avabû, beşdar diyar bûn, ma helbestxwendin

Ji sala 1993an de û piştî koçkirina helbestvanê nemir Cigerxwîn, mehrecana helbesta kurdî li Rojavayî Kurdistanê lidardikeve, her wisa ev çar sal in ko li derveyî welêt, li Elmanya jî lidardikeve. Îsal komîta birêvebir dîsa kar û barê lidarxistina mehrecanê girt ser milê xwe û li Bonnê lidardixe.

Me wek komîta mehrecanê nameyên vexwendinê ji gelek helbestvanan re hinartin, piraniya wan bersiv dan û hinan jî mexabin li gor karînên xwe nikarîbûn beşdar bibin.

Wek ko di daxuyaniya damezirandina komîtê de diyar bibû, ko emê nameyên vexwendinê ji hemû helbestvanan re bişînin, me li gor vê yekê kir û ta 10.10, 2009an dem dabû helbestvanan ên ko bixwazin beşdar bibin. Hebestvanên ko bersiv dan û  dê helbestan bixwînin ev in:

Arşevê Oskan, Azer Osî, Eskerê Boyîk(mêvan), Ebdilrehman Efîf, Can kurd, Gulistan Haco, Dilyar Dêrikî, Dr. Husên Hebeş, Henîf Yûsiv, Husên Hebeş, Hoşeng Broka, Kawa Şêxê, Keça Kurd, Lava Derwêş, Jan Dost, Merwan Osman, Nezîr Palo, Nedîm Yûsiv, Serhan Îsa, Xebat Şakir, Xunav Elî.

Hêjayî gotinê ye ko ev sê sal in li pey hev navenda YASA li Bonnê piştgiriya li darxistina mehrecanê dike û ji hêla aborî ve fînanse dike û bi alîkariya lidarxistinê radibe.

Di eynî rojê de, li cihê mehrecanê pêşengeha hunermenda şêwekar Cîhan Ibrahîm, li dar dikeve û bi tabloyên xwe dîwaran dixemilîne.

Me wek komîta mehrecanê nameyên vexwendinê ji medya kurdî bi hemû celebên wê re, hinartin, dîsa em vexwendinê nû dikin û wan vexwendî amadebûna mehrecanê dikin, dako bi erkên xwe yên di warê ragihandinê de rabin, her wisa em bang li hemû hezkerên peyva kurdî dikin dako piştgiriyê bidin helbestvanên xwe û şahiya me bi me re par ve bikin.

Ji bo nameyên pîrozbahiyê, hûn dikarin li ser E-maila jêrîn nameyên xwe bişînin. Her wiha ji bo têkiliyan hûn dikarin li ser van telefonan bi me re têkiliyan deynin:

017661945609.  01748640820.  017626037719

Navnîşan: König Str.: 88 - 53115 Bonn. ( Elmanya )

Roj: Şemî. 24. 10. 2009. Kat: 14.00.

 Komîta Mehrecana Çaremîn a Helbesta Kurdî li derveyî welêt.

12. 10. 2009

çapkirin