Sala nû û kursa nû

Fevzi Ozmen

Sala nû, bi kurs û şagirtên Kevin û nû bixêr bê.

Em ber bi wan de diçin û ew jî li bendeyî me ne, ne bi çavekî bi çar çavan, çavnerîna me dikin.

Me bêriya wan kiriye û ew jî bi hesreta me ne. Em wek xebatkarên Instîtûtê û şagirtên me jî mina evîndarên zimanê dê û bavên xwe, yan jî zimanê berxwedanê, zimanê kurdî bi xêrhatina sala nû û kursa nû dikin.

Me got kurs, belê ne kursek du kurs in. Kursiyerên me jî du kategorî ne:

1. Kursa destpêkê ji bo kesên bi temamî nû ne, bi kurdî nizanin, kurdiya wan gelekî bisînor, qels û jar e. Ev kurs roja yekşemê di nav seet 11.00- 13.00 de dê bê dayîn.

2. Kursa pêşketî û di asteke berztir de jî wê ji bo wan kesan be ku bi kurdî diaxivin, bi kurdî têdighin, belê xwendin û nivîsandina wan bi kurdî tune yan jî heye, belê ne li gora qeyde û qaîdeyên rêziman û rênivîsê ye. Ev kurs jî dê heman rojê, ango yekşemê di nav seet 13.00- 15.00 de bête dayîn.

Roja destpêka herdû kursan jî hem ya destpêk û hem jî ya pêşketî 03- 01- 2010 e.

Kurs wê 4 mehan bidomîne. Bi dirêjaya kursan li gora rewşa şagirtan, çûn û hatina wan, baldariya li ser dersê, pêşketin û serwextbûna wan wê belge û sertifîka bêne dayin.

Mamostê kursê endamê rêvebiriya Instîtûta Kurdî ji bo Lêkolîn û Zanist, mamosteyê xwedîezmûn hêja Fevzi Ozmen e.

Navnîşana kursan jî Înstîtûte Kurdî li Kolnê ye, ango:

Vogelsanger Str.10

50 823 Köln

Tel: 0049 221 16 89 62 17

Instîtûta Kurdî - Beşê ziman û perwerdê

çapkirin