QENDÎL DI DILÊ SALÊ DA

 Selwa Gulî

Li welatên xelkê sal,

bi mey û gul û çira dixemilînin,

Li welatê min sal bi salgerdên talan

Û kovana digerînin..

Li kê pîroz bikim?

Vê pîre-salê…

Rondikêt kîjan daykê bi lifka lewendiya xwe

Ya pertî ziwa bikim?

Qêrînêt kîjan çiyayî li xwe û we kom bikim

Kîjan zarokê bê xwedî hembêz bikim,

Li kê pîroz bikim vê kale-salê?

Li Şengalê yan li çiyayê Qendîlê,

Min got tene li bihara temenê me,

Dikujin û carek din

Şîn dibît,

Min got,, li payîza em dastanêt zêmrê

Bi nalêt hespa dadêxîn,

Min got,, li kanuna tenê em

çîrok û çîvanokêt serwera guhdar dikîn

Û dayik li ber landarê lorîka vedihunin...

Lê

Bi dudengiya birîna Qndîlê

Felek .

Xezeba xwe li serê bê welatiya me dibarîne.

Nehêla kulikêt adarê

Li çiyayê Qendîlê ser helbidît.

Nehêlia zaro bi şivaniya karikan

Dilxweş bibe,,

Ev çi reng e salê?

Ku dihêle zilam giriyê zarokan jê bidize..!

Da rondikêt xwe pê biweşînît,

Erê Qendîla berxwedanê,

Dizanim .. çendî bihêz î..

Bi rojên jan, Min ji te hez kir,

Li ber navê te.

Hesretên lawa diveşartin,

Bi kenê xwe yê çilmisî,

min navê te hezar hezaran car

Dubarê dikir,

Bi rengê te, tenê carek

Kirasê sor

Min li bejan xwe kiriye .

Dizanim bi xavî tu ji bin lingêt

Têmûr ling azad bûyî.

Te ser hilda.

Careke din siwar

Fêrî nêçe kirin,

Û li himbêza xwe ya germ xwedî kirin 

Qendîla şevçira min.

Nema dikarim vê sersalê bistrêm

Xwe ji  xewnêt te xlas bikim,

Nema dikarim,

Vê kale salê li

Kesê pîroz bikim

Li min bibore Qendîla birînkûr,

Ger nikarim te birîn peç bikim

Li min bibore dûr im lê

Pir nêzîk im

Selwa_guli@hotmail.com

çapkirin