REQA Û Newroz

Xebat Şakir

Heyyyy zarokên tirsê,

û şûfikên di pêsîra hovan de xwedî kirî,

qatilên şêx Mehşûq, Îsa Xelîl, Mihemdên Qamişlokê

û kujerên Kenê Mediya û Mihemed.

kelepçeya destên biratiyê

û kujerên kenê zarokên rojê,

ma hûn ji van û pêde çi dizanin,

hey kujerên mirovatiyê û parçemokên xwînê?

Ma we ji destên biratiyê fedî nekir,

we kirasê sipî bi xwîna zarokan şişt?

we ji pêlên ava feratê fedî nekir,

we kenê Mediya û Muhemed di nava xwînê de hişt?

Ma we ji buharê fedî nekir

we keska wê di nava lehiya xwînê de hişt?

Heyyyy Zarokên zilmê.

Reqa, tê bimîne birîna vekirî di pêsîra mirovatiyê de,

guleya bêbext di sînga biratiyê de

û kuyînêra hilgirtî di gewriya demuqrasiyê de.

Zarokên rojê, xwazgîniyên azadiyê

di hembêza te de, ber bi xelatkirina buharê ve dimeşiyan

qîz û xortên evîndar mina perperîkan

bi xêrhatina Nûroja welatê rojê dikirin,

û xwezayê ruyê xwe ji miska evîndaran şil kiribû?

û sînga xwe ya hevrîşemin ji evîndar

û hiskiriyên xemla xwe re vekiribû?

Lêê

Guleyên bêbext û egalên Efleqan

dafkên xwe li ber kenê Mediya û Mihemed vedabûn

nehiştin ew û xweza bi hev şabibin

nehiştin ramûsanekê ji dêmên Buharê bidizin

nehiştin Newroza me Kesik û Sipî bimîne

û li ber dengê Def û Zirnê

guvenda azadiyê li ser sînga Buharê bigere.

Heyî Egalên zilmê û destkujên bê însaf

em zarokên deşta Beraziya ne

şagirtiyên rê heval Fûad û Şîlan in

me ji nanê berxwedana rê heval Mezlûm xwariye

û ji ava serhildana 12 ê Avdarê vexwariye.

Ne Egal

Ne Gule

Ne beryar

û ne kuştin û zindanên we

dibin dîwar li ber meşa me

ya ber bi azadiyê ve.

Em hevalên çiyê ne

û lêgerê rastî û biratiyê ne,

Em tîrêja rojê û vîna giravê ne

û dengê serkeftina welatê rojê ne,

va em dibêjin

û emê her û her bêjin, hole

di cenga berxwedanê û meşa ber bi azdiyê ve

hola di cenga demoqrasî û biratiyê de

û hola di gera rastiya ber bi paşerojeke azad ve,

holaaaaaaa û hola.

Xebat Şakir

25.03.2010 Oldenburg/ Almanya

çapkirin