Amedê Aram di nav mijûlkên çavên xwe de, di nav rehên dilê xwe de, simbilên jiyana xwe de, di nav hicreyên evîna xwe de veşêre. Aramê dil tenk bispêre axa ku dilop bi dilop bi xwîna lehengan sorbuye, bispêra civata pênûsan, civata şoreşgeran. Ji bo govendên wan bi stran û awazên xwe geşbike.

Aramê Tîgran stêreke ku qet venamire, kaniyeke ku qet naçike, gulîstaneke ku qet rewşa xwe winda nake, hunera ku li ber tu lehiya serê xwe danayîne, straneke ku qet neşazê nasnake, pêşengeheke ji 56 wêneyên hunera gelê Kurde, peşmerge û gêrilayê hunera Kurdistane, bilbilê evîna Siyamen û Meme Alaye, dengbêjê destine Kurde.

Aram ew denge yê ku di guh û dilê me de hêlîna xwe çêkir, ew denge yê ku digot ey dîlberê û pêre jî diqîriya Newroz û sersala, ew denge yê ku digot çiyayê Gebaro, Aram deng û qirika binxetiye yê ku ji zeviyên binxetê îlham digirt û li ber xuşîna çemê Ceqceq zarokatiya xwe derbas kir, yê ku girêdayî soza ku bi bavê xwe re dabû ma, Aram orjînala dengê Kurd û kurdistane, Aram mêvanê hemi dilên azade.

Aramê Tîgran girêdana dinavbera sênifşê hunera kurdiye, dîrokek bi sere xweye, qîrîna azadiyê û gula li ber bîna evîndarê Kurde, Aram ji kaniya hasten xwe zeviyên Kurdistan yên ku mabûn beyar avdida û ji nûv de jiyan diafirand.

Oxirbe mamoste Aram oxirbe

Oxirbe Gêrila û pêşmergeyê hunera gelê Kurd

Oxirbe mêvanê nemir Mehmed Ozun

Oxirbe dengê dilê evîndarên Kurd

Oxirbe Bilbilê Kurdistana Azad Kurdistana mezin Oxirbe.

Bera serê malbata Tîgran û hemî gelê Kurd û Ermenî û dost û hevalê wî saxbe û ji yezdanê dilovan dixwazim ku cihê wî buheşt be.

Xebat Şakir

08.08.2009 Oldenburg/ Almanya