Dewlta Kor

Xebat Şakir

Van rojan dewleta tirk bûye wek kesê ku xwîn bi xweve dîtî har û dîn bûye ji ber van destkeftinên gelê kurd çi li bakur û çi li başûrê Kurdistan.Hero yek ji girirekên dewelta tirko radibe û zirt û gefan li gelê me dixwe.

Wer xweya dike yan rêvebiryeke ku qet haya wê ji pêşketinên diniya yê tuneye û yan jî  pişta xwe  bi dewltên hevalbendên xwe xurt dike,bi taybetî jî Amerîka û Eurupa.

Lê turk jî baş dizanin ku dinya ne ew dinya berê ye û kurd jî ne ew kurdên berê ne

Ku tirk wan bera hevbidin.

Tucara mina îro kurd nêzîkî hev nebûne û xwe li dor nirxên xweyî netewî necivandine.

Weke hunermendekî kurd van hewildanên dewleta tirk û gef xwarna li gelê me û siyaset medarên me bi tundî şermezar dikim,

û her wiha hêvîdarim ku rayedarên dewleta tirk ji dêvla zend û bendên xwe mejiyê xwe bi kar bînin û baş zanbin  ku serokê hêrema kurdistanê  birêz Meshûd berzanî  ne  binavê  gelê me li başûrê kurdistanê tenê  di axife herwiha ew li ser nave gelê kurd bigiştî diaxife.

Her dest dirêjayek li ser başûrê welat  dest dirêjayahîa li ser şeref û xîreta her kurdekîye.

Divê dewleta tirko baş vî tiştî zanibe ku Gêrilayên welatê me tev birayên mene zarokên mene şerf û xîreta mene,hêdî îro hemî kurd vîtiştî dibînin û dibêjin.

Ger dewleta tirko bixwazê biratiyê kesî wek gelê kurd destê biratiyê dirêj nekirye û ger bi xwazê şer jî, ez behwer dikim ku kesî mina kurda bi mêranî şer jî nekirye,

îca ya herî baş ewe ku evî destê biratiyê yê kurda yê ku ji zu de ber bi tirka ve dirêj dike  bihejîne  û pirsa kurd di rên çareseriya dîmoqratîk re çareser bike yan naxwe wê wiha bibe wek yê çûyî heyfa bavê qûn jî li ser kir,perçebûna tirkiyê wê misoker bibe.

Bijehrdana birêz Ocalan  û bi zextên li ser siyasetmedarên kurd li bakurê kurdistanê dewleta tirk benzenê bi agir dadike û bihevçûneke demdirêj dinavbera kurd û tirkan de dest pê dike.

Ev jî nîşana têkçûna siyaset û hilweşandina  dewlet tirke.

       Xebat Şakir

19.04.2007 Elmanya

çapkirin