PÊGOG (FUTBOL) Û FASHÎZM

Meletî Spor- Elezîz Spor

 A. BALÎ

Li pir welatan werzîsh (spor) ketiye bin bandora fashistan. Wek tê zanin li Tirkiyê ji salan vir de li ser çepên Kurd û Tirk bi destên dewletê û alîkarên wê yên sivîlên fashist sherekî dijwar hate ajotin. Sazî û partiyên pêshveru hatin qedexekirin, hatin girtin û mirovên demoqrat û welatparêz hatin kushtin. Ji alîkî ve hêzên dewletê yên resmî , ji alîzê din ve hêzên sivîl yên ji dewletê emir digirtin mirov dikushtin û wenda dikirin. Ew hêzên mîlîtarîst û fashîst tesîra xwe li her derê domandin.

Dema her cih di destên fashîstan de be, vê carê menfata wan jî tê pêshiya wana. Wê menfatê jî piraniya sazî û serkarên dewletê kirye diz û çete! Ew meydana wana ji xwe re fireh kirî îro ji wan re dibe goristan! Li dinê zilm û zordarî bê dawî nîn e. Li Tirkiyê jî dawî yê li zilma fashîstan bêt!

Dixwazim mînakek balkêsh bidim we. Ew hefteyê borî Elezîz Spor bi Meletî Spor ve li bajarê Meletiyê hatî bûn hemberî hev. Elezîz bi Meletyê ve cînarên hev in. Her du bajar jî bajarên Kurdan in. Lê di navenda bajaran de gelek jî Tirk hene, ku piraniya wan jî fashîst in. Heza polis û leshkeran û malbetên wan di nav bajaran de rûdinin. Bi gotinek din ji salên 1970’yî vir de navenda ew bajaran ketiye bin destê fashîstan.

Li Meletyê destpêka sala 1975 an pir kes hatin kushtin. Piraniya wana mamhoste û xwendekar bûn. Mamhoste Newzad Xoce roja nîvro li pêshiya belediyê dema pêlavên xwe boyax dikirî, di nav ewqas kes de bi gulebarandinê hate kushtin. Kesê lêxistî fashistekî bi navê Oral Çelîk dihatî nasîn bû. Ew qasî bîst salan nehat girtin. Li dervayî welat jî navê wî tevî pir cinayetên siyasî bû. Ewqas bûyeran  shunda dema ew vegeriya Meletiyê û çû pêshiya dadgehê. Dadger dema dosya wî dixwaze, lê dinêrin, ku di depo de dosya wî wenda bûye! Ji bo dosya wenda bûye, di ser bûyerê re jî pir sal derbas bûyîne, wî bera didin û ew bê ceza dimîne û ceza nagire. Demek kin de dibe serokê Meletî Sporê. Di nav îhaleyên mezin de ciyê xwe digire û bi navê Meletî Spor jî, ji her kesî xeraca xwe distîne! Ew ciyê Meletiyê ji wî re teng dibe, derbasî Stenbolê û li wê jî destên xwe dirêjî erd û eraziyê devera Ege dike!..

Wek têt zanîn Elezîz jî ciyê Memet Agar e. Li Tirkiyê çi kevir li ciyê xwe bilive xeberê Memet Agar jê heye! Dibêjin:“Du canbaz li ser benekî nikarin bileyhîzin!“ Gotin rast e û ew di ciyê xwe de ye. Dema li alîkî Meletiya Spor li aliyê din jî Elezîz Spor hebe, ew jî di destên fashîstan de be, wê demê hun werin lîstika gogê, gog çawa çivan dide xwe! Çiv û lîstika gogê em ji devê bînerên (temasheker) fashîst bibîzin çawa tê der!

Alîgirên Elezîz Sporê bangî aliyê Meletî Sporê dikin û dibêjin:“Meletiya Ermenî!“ Ji bo ku rojnamevan Hrand Dink ji Meletiyê bû. Berê pir Ermenî li navçeya Meletiyê hebûne. Îro tu lê bigere, ji derman re yekî an jî yekê tu nabîne! Yên heyî jî navê xwe kirine „Hecî û Xoce“ mirov nikare binase. Elezîziyan bangkirina xwe qedandin shunda tedarîk hatina xwe bi pankarta bi xwe re anîn wê nishan didin û vedikin li pêsh çavan bînerên Meletî didin xuyakirinî. Di pankartê de:“Em ne Ermenî ne, em ne Meletiyî ne! Em Elezîzî ne! Em evîndarên Tirkiyê ne!..“

Alîgirêm Meletî Sporê fashîst ji yên Elezîzê Sporê fashîst kêmtir nîn in! Ew jî qîrinê li yên din dîtînin û bangî aliyê din dikin û dibêjin:“ Bila PKK derkev derva!“

Xwendeyên hêja! Êdî hun bifikirin! Du aliyên ji fashîstên Tirk pêk hatî ji xwe re du neyarên dîrokî bi navê „Ermenî û Kurd“ li ser hebûna hevdu çê dikin û gogê berdidin dikevin sherê di nav hevdu de! Serî û çavên hevdu xishdikin! Hun serî xishkirina fashîstan bi hevra heyî nenêrin, dema bibêjin Ermenî û Kurd li dervayî sidadê ne, ewê hevdu berdin û bibin yek, êrîsha xwe bibin ser Ermenî û Kurdan.

Gotina Kurdên rûspî heye û dibêjin:“Xwedê meryan -mirovan- neke bindestê xiraban!“ Kesên xirab mirov jî bi xwe re xirab dikin û tu xêrê jî tê de nahêlin!.. Bindestiya me ya Kurdan hinek jî, ji vê xirabiya kesên gelê serdest têye! Rastî jî gelên Kurdistan di nav xwe de dagirkirî bash bûna, em jî bi wan re bash dibûn û dijiyan. Di nav wan de demokrasî hebûya, me jî jê sûd digirt.

Ji bo vê sedemê „Demokrasî ji bo Tirkiyê û azadî û serbestî jî ji bo Kurdan!“ têt gotin ku ew gotinek di ciyê xwe de ye. Xwesteka Kuradan, bi dil û can xwesteka bratiya gelan e! Ji bo ku gelên cîhanê hemî bra ne!..

05.02.2007

A. BALÎ

çapkirin