A. BALÎ

ŞERVAN

Gerîlame,

Pêşmergekî

Şer naxwazim,

Lê ez azadîxwazim!

Ez gerîlakî bê nav im,

Navê min heye li her derê.

Ji bo welatê xwe ez serbaz im,

Ji gelê xwe re serbestî dixwazim!

Serbaz im, serbazekî bê nav im,

Bi welatê xwe ez bi dayîk û bav im.

Çiya û baniyên welatê min Kurdistan

Ji min re ew hem behişt e, hem goristan!

Ez serbaz im, şev û roj qet tu caran ranazim,

Ji dijminan re mirin, ji gel re azadî dixwazim.

Dixwazim gelê xwe yî bindest hemî serbest kim,

Kurdistana rengîn ya stûxwar wê tev de azad kim.

Ez gerîlame, leşkerê Kurd û fîdayiyê welat hemdêm,

Her roj ez çend caran dimirim, dîsa ji nû ve bi xwe têm!

Gorn li her dor welat ji min re yek e, ew xaka pîroz behişt e,

Ser û bin erdê welatê me ji min re zêr û zîv e, ew hemî her tişt e

Gerîlame, gerîlakî gelhez, di nav şer de bi lez û bez her dem bê nav,

Tu caran ranewestîm, çi şev dibû, çi roj, ez bi gelê xwe re bûm her gav.

Dawî de roja geş li welat hilat, ji bo azad bin Kurd, em mirin bi hezaran,

Dawî de Kurd jî bûn xwedanê alan, bi şoreşa salan, dengê xwe dane cîhan!

15 Tebaxê 1998

A. BALÎ