ZIMANÊ KURDΠ

 A. Balî

Zimanê Kurdî zimanê me ye, 

Bi dewlemendiya xwe deng daye! 

Her gotinek xwe zerîf û zîz e, 

Ew nav zimanan de ya ezîz e!.. 

Kurdî bi ferhenga xwe wek behr e, 

Her gotinek xwe zêr, zîv, cewher e. 

Kî dibê Kurd nizanin, dizanin, 

Lê çi bikin, bindest û xizanin... 

Zimanê Kurdî dûriyekta ye, 

Bi her dûra xwe wê nam daye. 

Çi zarava ye, hemî bi xwe ye, 

Kurd Kurmanc in, Kurmancî Kurdî ye. 

Kurd bi zaravayên xwe pir xweş in, 

Tev di rêya nivîsa hevbeş de 

Bila hemî bi hevra bimeşîn!.. 

Her ew e, Kurd bi Kurdî netew e... 

Netew li dinê hemî tevhev in, 

Faşîst û rasîst bes ew wek hev in! 

Yên ku Kurd jar û pêrîşan hîştin 

Ew dûgelên pîs kolonyalîst in... 

Roja me de çi aşîr û êl e?!. 

Êdî bes e! Dubendiyê bihêle!.. 

Dema hêzên netewî nebin yek, 

Azadî ne mimkun e, tek û tek... 

07.02.2008 A. BALÎ

çapkirin