HEMWELATÎ NE KERÎ YE !           

 Bêkes Têlo

Asta herî bilind bi cihekirina demokrasiyê azadiya livandin û tevgera nerîn û helwestê ye, mikanîzma demokratizmê tê livandin û bi karanîn gava hemwelatî baş agahdar be bi rûdan û bûyerên ramiyarî, aborî û çandî li welat ku diqewimin. Di çaxe hilbijartinan de bi pêşberiya namzetan dema goftugo dikin û pêşneyarîya proje, programên ramiyarî û aborî bo çareserkirina pirsgirêkên heyî li welat ku pêşkêşî hemwelatiyan dikin ku agahdar bin  bo beryara  dengê xwe bidin di dengdanê de. Gava ev nebe! Çawa hemwelatî agahdar be û zanibe helwesta rast bigre bo dengdanê, nexwe wek mirov dikeve di helwestekî pasîv de ji hilbijartinan û ev wêne li ser komara Sûrî xweş diyar dibe çi di hilbijartinên nûnerên gel û çi jî hilbijartinên serok komariyê de. Bê guman hin sedmên cûda hene ku di van hilbijatrtinên dawî de, hemwelatiye Sûrî hefqas pasîv bûn û ev bingeha wê heye ji dema hatina deshelata partiya Bas(pişkivîn).

Rêvebirina Welatekî  wek Sûrî ku welatê herî zengîne di nav dewletên Ereb de ketiye rewşekî pir belangaz û weran kirî bi saya vê rêveberya Bas ku bihtirî çil sal  desthelat dagîrkiriye bi şêweye êrîşek leşkerî  û ne yasayî. Bi destekî ji pola welat bi rêvedibin rewşa awerte ji roja yekem ji hatina wan ta niha li vî welatî ye, nebûna yasaya partiyan û azadiya ragahandinê, nebûna dadmendiya bêlayane û bi pêlkirina mafe mirov û pişitgiritina hezên terorê  li Iraqê û lobnanê, tê tawan barkirin û ji xwe rewşa rojavaye Kurdistanê barbatkirî maye çi ji aliye aborî û çi jî aliye ramiyarî tek ziman, tek netew, bicihkirina malbatên Ereb şûna warê kurdan, guharîna navên şar û gundên kurdan, kişandina nasnamê ji 400 hezar malbatên belangaz ji sala 1962 ku ta îro di rewşekî ne mirovahî de dijîn..bê karî, bê xwendin …bi destên hezên awlekarî partiyên me perçe-perçe kirin, wan bê hez hiştine ji aliyê ramiyarî û ev daxwaz neyarên kurdan tev eve. Axaftin na qadê ser werankirin ku desthelata Sûrî kir û dike ser gelê Sûrî tevî. Lê mebseta min ji vê gotraê ew ê ku gotara sundxwarina duwem ya serokkomara sûrî berî çend rojan  ku pirsgirêka kurd wek xak û gel xiste warê wergirtina nasnama vê dewletê tevlî ku carek di hevpeyvîna xwede di kanala Al JAZEERA de, ragihandibû ku kurd netewek serekîye li Sûrî û vaya li gorî pir kesan te wateya ku ev rêjîm ti hêvî jê nemayê, lê ya herî xemgîn ew ê ku tevgera ramiyarî şermezariya xwe tenha bi belavokan qedandiyê, tekoşîna xwe hîn bi şêweyên Kevin dimeşîne, ya rastir û baştir ku konferansekî rojnamavanî li darxistiba û bangawazya destgehên cihanê bikirba û bi taybetî koma milatan ku di bendên wêde xweş diyare parastina gelan ku xalekî pir girîng e ser guh tê avetin, ez bawerim hîn jî ne derenge û ev bangawaziya xwe wek hemwelatîyek dikim ji ramiyarên me bi gavekî nûdemî bilivin, meş li sikakên paytexta Sûrî lidarxin deku pirsa xak û gel eşkere û raste rast nişan be bo gelê Sûrî û cihanê..gotara Ased sêlek û gûlek di rûwe ramiyarên me teva de bû, şerme bo me hemwelatî ne kerî ne. Li hêviya  sêlek xurt ku gelê me bide ALKABONE ye sûrî.

Bêkes Têlo

25.07.2007

çapkirin