HELBIJARTINA SEROKATIYA TURKI
Û BERENDAMÛNA WE BO Y.E.!

 Bêkes Têllo

Em tev dizanin zortirîn kêşe li ber Turkiyê nasnama wê ye. Gelo rojhilatiye  an rojavaiye? Li gel du pirsên din wek pirsgirêka gelê kurd û Kurdistan û ya sisiya jî, hêzên islamî ne. Ev hêzane(islamî) hate diyarkirin di sala1974 –e dema Turkiye Qubrus dagirkir,hevbendiyek nabera wan û B.Ajawîd hate morkirin û hukometek ava bû bi seroktiya Acawîd . Wê çaxê navê Najmedîn  Arbakan hate xwîyakirin ku bavhavilê serokwezîrê nuha ye. Bi T.çelere sala 1996-1997 partiya wî hevbenîik danî û bû serokwezîr ,dewleta veşartî bi zext û fen û fûta wî ji srokwezîrtiyê avêt. Çimkî bi eşkere dîjberya xwe dijî kamalîzme radighand .

Berî 8 salan wek van çaxan serok wezîrê Turkî  yê nuha R.Ardogan di zindanê de bû. Bi tewanbariya ‘’ probaganda  zikreşiya olî’’. Pir kesan zû wî ji ser guh avêtin, ku nema kare bibe moxtarê gundê xwe. Lê berzbûna navê wî di 27’ê Gulanê sala 1999’an de bû. Dema hate girtin, li gor xala 312 ji destûra komara Atatork, bi çar salan zindan. Ev bûyer nebû asteng bo beşdarbûna wî ji  hilbijartinên 2002’an re. Di rojên pêş de kêsek mezin li pêşiya çavdêrên ramyarî vedibe,ka çawa mîkanizma nûjen ji fen û fotê dewleta veşartî (derin devlet) karbike li Turkiyê.

Perlemana Turkî li hev kom dibe di 16’ê vê mehê de ji bo hilbijartina serokê welat bo 7 salan. û  di 15’ê mehê de dem diqede ji bo pêşniyara navan, ji bo vî cihê herî bilin di dewletê de. Çavdêrên ramyarî dubeşî nav wan de heye, ku ta kîjan qonaxê Ardogan karê xwe li hember sîstema kamalî  û çina teknokrat bigre da ku bi serkeve û bibe serok. Bêgûman her hilbijartin nêzîk dibin kampaniya dijatiya wî û partiya wî xwirttir dibe û ser hêzên islamî bi giştî.

Li gor yasaye ti asteng nîne li pêşiya wî. Ji ber ku partiya wî bi piranî runiştokên perlemanê digrin.Lê ji aliyê ramyarî dijberîk xwirt ji leşker û desthilatara dadî û partiya gel ku bi xwe dijbere heye. Li dij wî doz vebûye bi tewana ku wî di dema serokatiya belediya Istenbolê dikir peyva , birêz Ocelan, bi kar anîbû ve dawîye hate ragihandin kû jê azad bûye,lê ta kîjan qonaxê  zaxta li ser wî raweste ,nediyare.

Ev diyar dike ta çiqasî sistem karê zextê bike. Çaxê  inqilaban  ji destê leşkeran çûye,bê vegere. Ne Ewropa  û ne jî Amerika  tiştekî husa dadiqurtîne. û heger bû, wê Turkî vegere 10 salan bi paş de. R. Adogan di nav vê gengeşeyê de ye û hîn dev ji xwe naqere her demekê ew dê qêjîn û şermezarya xwe li hember  YE (Yekîtiya Ewropa) diyarke ku nerîna xwe gerek zelal bike bo dawîhatina qabolkirina Turkî  bo endamtiya Ewropa  û yan  jî‘’ tu sedem tune ku dem û peran hundakin bo vê endamtiyê’’. Ev meteloka gelêrî tîne bîra me ‘’ diz qêjînê dike da ku xwediyê malê bitirse’’. Tewanbarkirina YE ku klupek xaçepereste, bingeha nexwestina Turkî di nav perlemana  xwe de car caran agahdikir.

Ardogan baş dizane ku sedem çi ne û zehmetiyên Tûrkî çi ne ku darnexistina giftûgo û vekirina belgeyên dan û stendinê bi Turkiyê re ji aliyê YE ve. Zane çima YE dudil e ji alî Turkiyê  ve.  Dibe hin endam karêkatêrê wê yê islamî dabin ber çavê xwe. Lê ya herî girin ew e ku dîktatoriya dewletê ber çav e, desthilatdarya leşkeran. Van zirtan tev bawerîk dan rêbêrn Ewropî ku Turkî  bi vî şeweyê desthilatiyê  dûrî normên Ewropa ye. Divê Ardogan ji bo Ewropiyan diyar bike ku Turkî dewletek demokratiye li gor normên rojava, ne wek normên islamê, û bi  dûrketina ji şeweyên totalîtarya leşkerî. Lewre gerek ew riyalîtê bibîne û astengên ku nahêlin Turkî bibe endam  ji holê rake û derbasî YE bibe. Bela Turkiye bizanibe,  û  kêlîkekê jî raman nebe, ku ewê bi rêya çavsoriyê û zirtan yan bi alîkariya DYA(Dewletên Yekbûyî yên Amerîkayê) karibe rêke xwe bibîne di YE de.  Ew bi wilo şaşîtiyek mezin dike. Ji ber derbasbûna wê, ewê bi dengdana ji aliyê gelên YE tevan be, û wê çaxê ewê binalê ji NA. Çimkî  laşek biyanî ye ji laşê Ewropî! lewre ji Ardogan tê xwestin razîkirina gelê Yekîtiya Ewropayê û ji bo vê razîkirinê  pêwîste wan normên Ewropî  pêk bîne. Naskirina  gelê kurd di destûra Turkî de û Kurd xwe bi xwe herêma Kurdistanê birêve bibin. Û  wisa heger Turkiye ne hat qebûlkirin di YE de, wê çaxê çiya mafdare bike qêrîn. Li gor ragihandina rojnama Azadiya welat ku nûnerên  partiyên ramyarî û saziyên kurd aloziya derbarê hilbijartina serok-komariyê de, bê wate dibînin. Berdevkê koma aştiyê Seydî Firat Gurbuz,serokê forma demokrasiya kurd Ferîdon Yazar û serokê partiya demokasiya tevkar Sherfedîn Elçî ramanên xwe diyarkirin bi kurtî  di van xalan de:

1-Netwperesta çankayayê wekî kelha ne çareserîye dibînin.

2-serok-komar mirovek demokrat û aştîxwaz be dakû pirsgirêka kurd çareser bike.

Ji xwe zirtên R.Ardogan yên dawî, bo ragihandina serok  birêz Barzanî di kanala Al Arabyê de,bi texmîna min bo hebek dijberên xwe xemsarkê.nexasima  ku hêzên dijberê wî  îro 14’ê mehê meş û protesto dijî namzediya wî bo serok-komariyê li Anqere li dardixe. Li vira mirov dipirse, gelo ramiyarî bi zirt û xwînsoriyê ye? Bi wilo tê bigihê armanca xwe birêz T.R.Arogan?.hhh Ji Sadam bipirse.

çapkirin