Bêkes Têlo

XARÎZMA..! M. BARZANÎ

Dana xwedê ye… wergera peyva Girêkî *xarîzma ye ko bi Erebî karîzma dibêjin û tê wateya ferhemendî ko taybetmendiya hin kesane û pê dikiarin bi asanî xwe bidin pejrandin yan gel bikin heyranî xwe.Û bi rastî ez pir westyam ji bo vê gotarê bi sernivîsek bikim ko li gor dîrok, qilafet û bejna bi rêz M.Barzanî be ko wek çiyayek li hember min berz bibû gava min biryar da vê gotarê binivîsînim.Bedewtir û watetir ji vê peyva dana xwedê ye min ne dît bo vî mirovî ko mirovê qonaxên cûr bi cûre ji hemû rexan ve ji têoriyên rêveberiyê wek têoriya helwest,têoriya rêkûpêk,têoriya zirt ko alavên girîng in di vî kesî de.

koda şifrê… peyva Mam e

Zanyarên civaknasiyê giringî didin rêvebiryê û rola wê di avakirina netewan, pêşketin û hevkirtina wan de.Ger şîrovekirina min ne şaşbe bawer dikim bi rêz C.Talabanî serok komara Iaraqê ya fedêral li ser van bingehên li jor min anîn ziman ragihandina xwe sipartî ye gava got di destpêka kompaniya hilbijartinan de : (serok Barzanî baştirîn kese ko em wî bikin serokê xwe…… ji ber Kurdistan pêwîstî pê heye.).Wek em ferbûn gava em xwendevanê zanko bûn di beşa rojnamevantiyê de ko pêdivî heye bi xwedina orta rêznivîsan (deqan) de heye.Lewra wateyek mezin heye ji peyvên serok komar wek kesayetiyek ramyar di deste de dêtalên hûr hene,û wek herî berztirîn ramyar xwedî ezmûn di nav me de di vê çerxa nûdem de.Ev hevoka wî ji heste berbirsyariyê hatiyê û ji xwendina rûdanên lidahtwî de ko qonaxa ragihandina serbixweyî û dewletbûn ye bi çespîtkirina destûra hermê ye ko şerîyet dide herêmê wek kyanekî ramyarî. Reşnivîsa destûrê hişt nehez û neyaran belavokan çapkirin ko metirsînên xwe diyarkin ji perçekirina Îraqê berî çend rojan yek ji wan komîta zanyarên musilmanan bi serkêşya Haris al Darî ko nivîsgeha wê li peytexta Sûrî ye eşkere dijmintiya xwe diyarkir dijî gelê kurd gava bi rêz M.Barzanî bi xayin binavkir.Heyf û mixabin hezên Îslamî ko bejdariya hilbijartinan dibin xwe li paş tilîka xwe veşartine û ti bersiv ne dane Basiyê genî..

Hêvîk….

Bê guman me rexnan li hin serok komarên Ereb dikirin ko di hilbijartinan de 99% bi destdixistin lê ya birêz M.Barzanî hêvîdikim ne wele be tevlî ko hemû nîşandaran û çavdêr diyar dikin bi serkeftinek pir xûrt jêre û dibe bi rastî jî nêzîkî ve hejmare be.Berko ji namzetên ko hêvî didin gel ê kurdistanê bi tevahî, ya birêz Barzanî ye kî bixwaze û nexwaze tev kemûkûrî di dema wî de ji gendalî, bexşîşdan,pêlkirina yasayê ji hin karmendan an berbirsyar û ew bi xwe mûkir tê li wan kemûkûriyan û hêvî dide di dema hatwî de kompaniyek berfireh bi rêvbibe bi alîkariya medya ,komalane medenî (komeleyên sivîl) û destgehên desthilatê û rolek mezin bide ronbûn(şefafîyet).Xarîzma Barzanî wek namzet yê dîtir datiqurtîne çi ji dîroka wî û malpata wî û çi jî wek kesayetiyek ramyarî xwedî pêwendiyên berfireh bi dewlet û kesaetiyên navdar .Nemaze kesên pêşberî wî lawaz dibin û piraniya jiyana xwe li derveyî welat derbaskir bin wek bi rêz Kemal Mîradûlî 35 sal li Înglîstan maye,waha jî Helo Îbrahîm.Ji wan re baştir bû xwe pêşkêşî enadmbûna parlementoya wê bikirbana bo piştevanî li xak û gelê xwe bikirbana an jî lobîyek kurdî sazbikirbana.

Pêşbirka serok û parlemento

Pênc namzet xwe dane pêş bo pêşbirka hilbijartina serokê h.Kurdîstanê M.Barzanî,Helo Îbrahîm ko birayê xanima yekemîn li komara Îraqê ya fedêral xanim Hîro Talabanî ye,Kemal Mîradûlî ko li Înglistanê rûnitşvane,Hûseyn Germyanî û Sevîn Şex Muhemd Tacir.Lê pêşbirka bo endametiya perlomento 507 nemzetin bo 111 e rûniştok di nav hin lîstan dene wek lîsta Kurdistanî ji YNK û PDK ye,Lîsta xizmetwêzarî û çakzasî ko ji yekitya Îslamî,Komeley Îslamî,partiya sosyal demokrata Kurdistanê û partiya zehmetkêşanî Kurdîstan ,lîsta Goran bi serkêşiya Nûşerwan Mustafa ko ji YNK vê dawiyê veqetiya pêk ten û hin lîstên filahan li gor ragihandina serokê balayî komisyona serbixwe a hilbijartinan li Îraqa fedêral birêz Ferec al Heyderî bo ajans û rojnemavanan.Hejmara dengdêran 2 milyon û 518 hezarin ji tevahiya rûnişvananên 4 milyon 382 hezar ji parêzgehên Sêlêmanî,Hewler û Duhokê .

Kernevala hilbijartinan

Bi rastî kî destgehên ragihandinê çi dîdarî an jî guhdarî û nûsînî bişopîne cengek pir germ û zor dibîne,bangeşiyek azad li şar û şaroçkên Kurdistanê wek kerneval dimeşe her lîstek gotar û progarmên xwe pêşkêşî hemwelatiyan dikin bi heyacanek mezin.Ev ceng giha medya û bi taybetî ser rûplên malperan yên perçê azad wek evro.com,an jî sbeiy.com,çavdêr(cawdêr),Ayene û hwd.. boçûn û rexn darbirînin wek ser reşnivîsa destûra herêmê ,ne yasayîbûna parlemento,dîktator amede dikin,bo çî barzanî? Parlemento ûÇarlî Çaplin. Ev tev sernivîsa gotarên ko tên weşandin di malperên kurdan ser internetê.ji xwe mirov gej dibe ji lozingên lîstan ko tev hatine baş neqandin û bi rêkûpêk in wek.. bo jiyanek baş bo te û malpata te deng bide lîsta me,gava deng bidî bela çiya li ber çavên te bin,îro encamê raberdûye ji bo pêşerojê denge xwe bide me,na! bo malwerankirina gendalî,azadiya ragihandin,yasaji me tevan bilinde,dengê xwe bide Goran,lîsta kurdistanî lîsta te ye.

Pilîngên xabatê

Rewşa hilibijartinan li cihana azad ko di dema we nezik dibe partî û nemztan hewldan didn xwe bo hiş û nerîna hemwelatî bi alî xwe ve bikşînin û bi taybetî bandor li ser ciwanan bikin.Li bajar û gudan bi hermoniyek pir azad listên cuda kompaniya xwe ya hilbijartina pêktînin zidî ser TV,ji bilî hin xortên ne gihiştî û dibe ji heycana vê kernavalê bê tamiyê dixin vê kernevalê wek bûyer rûdide.Cihê destnîşnanê ye ko carnan bê bextî û derew tên bi kar anîn ez hêvîdikim ko hemwelatiyên perçê azad ko xwedî ezmûnek dîrokî ne, ji xebat û çanda ramyarî, durkevin ji fewt û fûtên ramyarên bê ezmûn an bi navên pîroz nav li partiyên xwe dikin çi olî be û çi hin keseyatî be ko peyva serokê DYA B.Obama bikar tînin yes we can (bele em karin bighurînin) bo guherîn û xistina herdû hezên serekî ko xwedî ezmûn û pilingên xebat in ,kesên ko ji asîmelîsyona Erebîzmê ,enfal kirin û çekên kîmyawî gelê xwe parastine û wî gihandin vê qonaxa serbestî ti metirsî li ser wan hîç nîne.

Bo demokrasiyê…

Bo prosêsa demokratîzmê bighê serî yan jî bo dagirtina qola vala ji demokrasiyê ko hîn di qonax zaroktiyê deyî pêwîstî bi gavek din heye li beşê azad ji xaka me, ko hêza sêyemîn bête holê,hêza opozîtsion an hêza dijber bo livandina jiyana ramyarî ber bi başbûnê biçe.Kiryara birêz M.Nûşerwan bi sazkirin lîstaGoran bi texmîna min armanca wî ko partîk aveke û daxwaza wî ji hilbijartinan ew e ko bizanibe heza cemawer çiqas li peyî wî hey ko keysekî zerîne jêre deko hêza dijber(opozîtsion)rabigihîne.

Hin têbînî berê roja dengdanê

Kesê yekemîn têgeha desthilata çaremîn bi karaniyê Tomas karlyle(Thomas Carlyle) ye di pirtûka xwe de *(Heroes and hero worship)sala1841 de.Bi 18 salên ko herdû hêz desthiladar bûn hîn karên ber çav ji bandora desthilata çaremîn ti rolek berz me nedîtiye tenha di rojên qeware de û di van hilbijartinan de ko rolek bo kombûna û afirandina nerîna giştî li ber cav xweş berz dibe. Lê mixabin kêmanîk pir mezine ko çar kanalên ezmanî çi kurdsat,ktv,zagrostv,gele Kurdistan tv, rêk ta hesta ne dane namzetên bo serokatî an jî listên dîtir bangeşî bikin bo namzet û lîstên xwe ji KNNtv pêve ew jî tenha birêz Hilo Îbrahîm veguhest bo hevpeyvîn .Ev şaştiyek pir mezine û divet zûka bê ser rastkirin .Tevlî ko kanala KTV bi rengekî netewî tevdiger lê ta niha kesên ne ji lîsta wan ne veguhestine,an çalakiyên wan bo banageşiyê ne weşandine. Şaşîtiyê reklemkirin bo lîsta xwe bi kar anîna reklamek bi zarokek ko bejdar bibû di programa ez cawazim bo bangeşiya lîsta kurdistanî û bo namzeta M.barzanî bike ,ev dibe tecawezkirina mafe zarokan ko tên bi karanîn bo aramncên ramyarî.Pir caran birêz Kemal Mîardûlî gazî birêz M.Barzanî dike zindî ser tv programên xwe giftugo bikin,ti bersiv me negirtiye ta niha .li vira têbînek min heye ger hat û qebol kir devet hayedarî hebe ji aliyê berbirsyaran ko dibe fexek be ,li welatek hîn destûr nîne ko diyar bike maf,berbisyariya her takek û li vira pirs tê holê gelo garentî çiyê ko K.Mîradûlî ji sînorê xwe dernekeve û bi taybetî ew xwediyê nasnama Înglîstanê ye,ev tê wetaya ko kare her tishtî bêje û bêbextiyan jî bike deko bigehe armanca xwe,ev metirsîk xwedî mafdarî ye.Pêwîst bû KTV rolek dê bilîze bo hemû aliyan ,bangweziya min jêre zûka vê şaşitiye ser rastke û rola xwe wek desthiladara çaremîn bilîze bi veguhestina namzetan û çalkiyên lîstên cuda hemwelatiyan agahdarke bi kêmanî wek nûçe biweşîne.

*Heroes and hero worship(qehremanan û qudsîyeta wan)