Hostayê peyv û denga (Ji bo Mehmet Uzun)

                                                           Ayhan Erkmen

Tu ne merivê vî wextî bûyî

Wextê qedîm de hatibûyî

Lê belê peyv û dengê te

                      pîrozwer bûn.

Te neynoka ve koland

Rêça lingê gelê me

                     kû derê ketibiye

                                 rûyê dinê

Rastî xeznê  peyv û dengê hêzar salan hatî.

                                ‘Dengê jibîrbûyiyan

                                 Dengê bêdengan’

Tu qedr ne dîtiye kesî

Xêncî çend kesî

Te wana ve  xwe naskir

Min te ve

Ew peyv û deng emanet bûn

Te ewna yadîgar da me

Ziman evgas şîrîn bû

Ba hevbûna peyva viqasî hev dikirin

Dengbêj viqasî kur

Êgîdê me viqasî zêde

           Gotinê wan viqasî giran bûn

Ew peyv û deng

Car caran hespê seqlawî, rûyê welatê me

Car caran darbeşanek, ser Dîclê ber ve Basrayê

Tu û ez em siyarê wan

Rêberê me êgîdê Kurdan

          Mîr Bedirxan

          Surmelî Memet Paşa

          Îhsan Nûrî Paşa

          Mîr Celadet

          Memdûh Selîm Beg

          û kevok…………

Destbirakê me

Pira dîroka me

Dengbêjê me

           Biroyê Kor

           Êvdalê Zeynê

           Êhmedê Fermanê Kîkî

Der û dora me

Rengê Mezopotamya yê miletê qedîm

Keldan, Sûryan, Nastûrî, Kurd, Ermenî

Car caran cem  Êvdalê Zeynê

Qesra İshak Paşa, Bazîdê

Tevî refê Surmelî Memet Paşa

Cem Osmanlî, pêşberê Dadaloxlî

                      torosa

                              şer de

       Gelo zanibûya Surmelî Memet Paşa

       Ya wê rojê hate serê Dadaloxlî

       Îro hatiye serê nebiyê wiya

       Yê dîsa biçûya alîkariya Osmanliya

Car caran tevî Biroyê Kor

Bîrca Belek qonaxa Mîr Bedirxan

Cîzra Botan

Germiya serhildanê

û Sermiya…..  sirgunî û penaberiyê

Car caran  şahîdê aşqê mezin bûn

Tevî Mîr Celadet û Canan

Îstenbolê, Beyrûdê

Tevî Memdûh Selîm Beg û Ferîhayê 

Sûriyê

Vê demê dilê me  tevî kevoka,

           serê çiyayê welatê xwe.

Tu nava destê nexwaşiyeke bê namûs,

           paytexta dilê me

Ez serxetê hîvya  te

Tu yê dîsa bibînî peyv û dengê pîrozwerbûn

Dîsa  bêjî

           Rabe dema pey ketina peyv û dengaye

emê dîsa serê xwe hildin û herin

Hela gelek

              cî,

                   kes

                       û tişt hîvya te ne

                                  hevî te ne

de were

de were

de were

de were

Ayhan Erkmen

10.08.06-pazarcıx

çapkirin