Sultanê ser mexin…!

Beşîr Mele

Sultan li gel wezîrê xwe

Daketin nav xelkê xwe

              Wergirtin cilê jara

               ketin  tîpê  hejara

şevkê westyan raketin

bi  nêv  berqefa  ketin

               qonaxekê   meşiyan

               rojê tîrê xwe berdan

Darek sitûr û mezin

vewistin lê  rûniştin

              sergêj bûne li wêna

              du Seh bidarêvena

pirsîn gelo ev çiye

çima  çilo  ev  kiye !?

              Berê xwe dane şivên

              kê ev diye li zemên

kê ev Seg daliqandin

darxistrin şeniqandin ?

             şivan darê xwe hilda

             bi zirtî vêr xeberda

herin li ser rêka xwe

nekin li vê pirsa xwe

             ger birçîbin peya bin

             xwirîniya xwe rakin

dîsa çand fidika xwe

di Curnê tehtika xwe

              herdwa dadan caciqê

              lêv ajotin pirsikê

şivan rabû ser piyan

bi tundî çixkirî wan

             pişta xwe dane çolê

             berê xwe dane  êlê

pesn û nîşanên şivan

xistn nava niviştan

             herdû bi lez vegeryan

             kirin fermana şivan

şivan xistin kelepçê

berî wî dan paytextê

            şah jêre got û pirsî:

            gelo tu min dinasî?

-tuwî Şahê dewletê

Bav û kalê umetê

            Kî nasnake dana we

            Rûmeta pîvana we

-bîne  bîra  xwe  şivan

Li cem te bûme mêvan

            Li ser sega me pirskir

            Te berda me te zirt kir

Dilê  şivên  bûye tar

Vêre trsek mezin xwar

             -Qurba min tu nenasî

              Nedkir bo we kêmasî

Şivan dane ber qama

Avêtin  bendî  xana

               Şah kete nêv gumanê

               Berê xwe da  zidanê

-bo min bêje çîrokê

Ezê te  drxim  rokê

                  Heger bo min nexwînî

                  Tê mirna xwe bibînî

Bidim te zêr û pera

Te têxim nav fenera

                   -belê şahê ser kulah

                    Îşev tenê min bik şah

-daxaza te girane

Bê ewle û înane

                    Çilo te bikim  sultan!

                     Ji bo min bîne ferman

Xwezya xwe tev daqurtan

Daxwaza  wî  pejirand

                     -bide tacê serê min

                      Ji bo te klulav ê min

Heydê pêşî oda te

Gazîke wezîrêd xwe

                      Têkev vê koşa tarî

                       Li min meke neyarî

Wezîr hemî civiyan

Sergêj û behitî man

                       -serok wezîr guh bidêr

                        Ezê bêjim penda zêr

Wezyeta vê dewletê

Nema bi kêrîme tê

                        Em bê çar û xizanin

                        Ne himberê Romanin

Em jî bibin xaçperest

Bo vê yekê min we xwest

                         -çilo ey şahê mezin

                         Em vê yekê bixawazin

Nafroşin emanetê

Nakin vê xiyanetê

                     Em xwedî ol û dewlet

                     Weha bibin bê rûmet !?

-ev biryara dawiye

Yê li dijbe  miriye

                   çilo divêt wek weye

                   Hertişt ji bona weye

-niha em xaçperestbin

Şaxê Rom û Ferng bin

                   Serok wezîr bawerkir

                   Bi çaavn îşaretkir

Tevda derxist xaçê xwe

Danîne ber şahê xwe

                   -Belê şahê dil mezin

                     Zûde em vê dixwazin

Şivan civat  dawîkir

bi dengê xwe gazî kir

                     -derkev yê nava koşê

                      Wer bi bîne vê toşê

Wer  ey şahê bêmejî

Li  berhemê te bejî

                      Çilo ev kesê bê bext

                       Kirne xedî dar û text

Serxak û bin axêd me

vemirtin  ocaxêd  me

                       kîne ev  wezîrê  te

                       bûne hiş û şûrê te

destê tevan girêdan

 dane ber rim û şûran

                     şah gazîkir xulaman

                     şivên bibin eywanan

-dîsa negot xema min

Xwiya nekir çima  min

                      Çilo naskir sira van

                      Wezşr û beglertêd han

-ez bûm şivanê Seydo

Min jêre digote rindo

                       Çûbû zozanê  banî

                       Bo min du cewrik anî

Bi  şîr û bi   firdikan

Bûne weke du hirçan

                      Herdû mîna du meryan

                      Li ber kerî pal  didan

Çend sal bi vî awayî

Li hevdû bûne xwedî

                      Rojek min bal vedaye

                      Beranê qer windaye

Roja  dîtir  dîsajî

Belendîrek nexwiyayî

                     Min got heye Segêd min

                      Guh Nadine şevêd min

şeva sisyan mam şiyar

Hat zûrîna gurê har

                      Min dît herdû sehê min

                       Rakişandin mîhek min

Birin dane gurê har

Hinavê min hatin xwar

                      Ev lawirê bêziman

                      Çilo bûne bê înan ?

Segên dilsoz û şiyar

Bibin xayin û neyar  !!?

                    Min herdû mezinkirin

                    Bê bextiya minkirin

Berî hûn bêne rex min

Min herdû daliqandin

                   Vê nîşan kir sûra te

                   Wezîr û beglerên te

Ev û ew yuek suruştin

Ku têrdibin  Dûpişkin

                   Genî bibe reha dar

                    Pelik ji jor têne xwar

Mala ku bê xwediye

Pisîka wê  mûdiye

                    Serokê ne guncawî

                     Bostek nake avahî

 min ser bida xewên xwe

min pez bida Sehên xwe

                     Di mam bê pez li çolan

                     Di bûm qeşmer li holan.

Çîrok ji(( zargotina kurdî))

                       Beşîrê Mele

çapkirin