Malbat, dost û hevalên şehîdê nemir, Mihemed Emîn Mihemed,

Serokatiya / PDK/ ê li Sûriyê,

Hezkerên mirov û mirovahîyê …

Bêwar Brahîm

1. ê sibata Hewlêrê û 12. Adara Qamişlo, hevcêwîyên hevin, di navbera wan de, birayetiya xak û xwînê hatiye tomar kirin, li şûna xwîna şêrên leheng û xortên ciwan kaj û sipîndar şîn hatine.

Qederê, kekê Mihemed Emîn Mihemed ji pêvajoya vî karwanê nemir, bê par nehişt, ew pêvajoya ku di jiyana xwe de, mîna Kurdperwerekî leheng dabû ser, di koçkirinê de jî, her ew ma li pey doza vê pêvajoya pîroz.

Bi pênûsa xwe, bi çalakiyên xwe, bi mirovahiya xwe, qêrînên welat û miletê xwe li ser milekî danî, û li ser milê din, kefenê zilim û zor û setemkariya dijwar hilgirtibû.

Bi dilekî birîndar em ji we re dibêjin:

Bila serê we sax be, em di wê baweriyê de ne, ku mirovên mîna kekê Mihemed Emîn Mihemed, li nav miletê xwe wê zindî be, ne mirî be…

Ji Xwedanê dilovan bi hêvîne ku cihê kekê Mihemed Emîn, û hemû şehîdên Kurdistanê, şehîdên rêka felat û azadiyê, rêka tenahî û mirovahîyê,  buhişta ezel be.

Careke din serê we sax be, di gel rêz û silavên gerim …

Xuşka we

Bêwar Brahîm

Nûnera navenda / PEN / a Kurd , li Başûr-Rojavayê welêt

Qamişlo

12 / 02 / 2007

çapkirin