Bihar

Bihrî Bênij

Ey yar li şev  reşa  temen  tu sor rojî

Ji nav rokan şewqa min ji tava te ye

Keç pir hene bêne destê min bi sema

Ji nav  keçan çavê  min  li gava te ye

Dirijînim  meya  xoban anî ber dev

Dev  ziwa ye  her  li bendî  ava te  ye

Dilê  min  ji xefk û  davan    fistiqîye

Lê  vaye   girtî    bi mûkî   dava te ye

Kurdistan  tev  gulên  rengîn e delalê

Can  şewitiyê  bihn û   gulava   te  ye

Ez di derya herdû çavên te xwe di şom

Zelalin  ew  lewma  her  dil rava te  ye

Tu  bûye  çemê  evîn  bi pêl û  xumxum

Bihrî  gih  li bin   gih  li ser    ava te  ye

Tu ewrekî   raserî  min   ezman te   girt

Dilê   bi mêrg   hêvî  ji     xunava te  ye

Bese  navê  min   li ser   lêvên  te  hebê

Jî  ber  te ye,  min   ceger   girava te ye

Qey   jiyanê    heskirîye    ey      biharê

Restina   gula    evîn    bi tava     te   ye

Qamişlo..19/8/1988

çapkirin