Biharê biken! 

Bihrî Bênij

Biharê biken     gulên te    hatin

Va dar û çîmen bi şax û   kat in

Bilbil bi xwendin fir û  lebat in

Bihn û rengê geş dan û xelat  in

                   ***

Pîrozbê  li te krasê       Newrozî

Dil berbendî te   peyman û sozî

Şevnem  û  avî     peşk û  pîrozî

Rok û stêr û heyv pev re hilatin

                   ***

Biharê  bi ken   gulzar  û   gulşen

Kulîlk û pelan  hûnand  çi dîmen 

Xemla  bihiştê ser dêm û   gerden

Avdarê yar tev xweş dem û kat in

                   ***

Zeryên rû perî     bi birr û kerî

Xemla wan dikê bi ser ve herî

Evîndaran  lev   bi  seyrê  nerî

Ser vê rojê wan dilê xwe patin

                   ***

Biharê biken   kovan   hemû çûn

Şahiyê vegirt     ser can û  derûn

Xalîç û hem kon  çoxê te  didrûn

Riwên  zîwerî      çînçîn û  qat in

                   ***

Çerxên dîlanê hawîr  vebestin

Çavên dildaran jev ne şikestin

Hinek jê ro ne hin ro  perest in

Hinek nazdar in awir  şewat in

                  ***

Sazên xuristê  pev re  lê dixin

Hêviyên  mirî    ji nû  pêdixin

Dil   bi  evîna   milet   pêdixin

Yarên  dilovan  gel û  welat in

                 ***

Biharê  biken    ezman  zelal e

Hîne  bayê pak riwan    dimale

Kurdistan şeng e şox û  şepal e

Ji bo wê  em bi kar û  xebat in

                  ***

Biharê  bi ken    çiya   pişkivîn

Mêr û egîdên  kurdan lev civîn

Zemîn hejandin  bi simax û vîn

Dilêr û  pakin  ser  koh û  lat in

                  ***

Agirê   Newroz   dadane  li jor

Navin jîna  tal divin ew hingor

Divin ew ruhnî bê bi xwîna sor

Şikevtên bi şêr mal û malbat in

                  ***

Biharê  biken  ne bi  çekan bes

Miltê    Kurdî    dikujê      teres

Pênivîs û pel (Bihrî)   bi hewes

Wek ber û gulle  tev  kêferat in.

Qamişlo…8/3/1989

çapkirin