Bihrî bistî ji dîrokê

Bihrî Bênij

Li ser seran  tu hatî  yar 

Li ser çavan   tu hatî yar

Payiza  dil te   kir bihar 

Te geşkirin kulîlk û dar

Ka seyrankê nav mêrgên şîn

Ramûsankê ji lêvên xwîn

Ka  fîxankê       bi dengê  jîn

Ka  dîlankê bi sîngên har

Xurist   hemû bi narîn e  

 Kulan ser cergan danîne

Peşkek xunav bibarîne  

Sarke  vî  agirê    dijwar

Li min bade tayê rokê   

Bihrî  bistî   ji    dîrokê

Bi dîlokê   pey dîlokê 

Saza xwe berde nav demar

Şaxên te    kûr in nava dil 

 Ma  tu liwan kî   mey û gul

Da herne sema mil bi mil 

 Em herne  xewnan hê şiyar

Min  bajo  derya   şahiyê  

Min  hilde  nav   ronahiyê

Li min ke     pîrozbahiyê 

 Lê ez  di mînim  bê  te jar

Qamişlo…berçile  1989

çapkirin