Bilbil û sorgul

Bihrî Bênij

Sorgul..

Bilbilê min xwe ji şermê daweşîne        bilbilê min

Deng û  awazên  veşartî  bi weşîne       bilbilê min

Tirs û  gomanên  di dilde  danişîne        bilbilê min

Jiyana min  bê te hemû   kul û şîn e       bilbilê min

Gula te  va  li nav bexçan şînhatî ye       bilbilê min

Nav çîmen û  li nav sêvên xelatî ye        bilbilê min

Pelên   wê  ji  av û   axa    welatî ye        bilbilê min

Rengê  wê  sore bi xalên reş û şîn e       bilbilê min

Lêxe  saza  xwe şaxê min bi hejîne         bilbilê min

Bêje   aha    xwe   şahiyê  bi vejîne         bilbilê min

Xunava  min  hêsirin  ser   rû rijîne         bilbilê min

Ez  bi gorî  gerdenê  de ka bixwîne         bilbilê min

Evîndaro birîna xwe ne ne nixumê         bilbilê min

Ez dibînim di herikê  bi xumxumê           bilbilê min

Derya  evîna  te  ez  zûde   ketimê          bilbilê min

Were bilbil bo te ev xeml û xuşîn e         bilbilê min

Bilbil…

Sorgula min geş be bihna xwe bi bare    sorgula min

Dîtina   te  cem  min   xelat û    bihar e   sorgula min

Vekenîna    te    pîroz  û        yadigar e    sorgula min

Were   sorgul   bo   te  ev fir û  danîne    sorgula min

Xwendina  min  çiye  hember awirekê    sorgula min

Deng û  awaz  çine hember   keserekê    sorgula min

Fîxana  min  çiye     hember  hêsirekê      sorgula min

Ez   bi  gorî    sorgulê  xwe  ne   êşîne       sorgula min

Ji    dilê  min    bi pirse  çi saz  li bal e        sorgula min

Şev  û    rojê    bi  evîna    te   di nale         sorgula min

Heta  xwîn  têde  hebê   rengê  te al e      sorgula min

Were  sorgul  bo  te hembêz vekirî ne      sorgula min

   Sibat 1990

çapkirin