Biyanîkî biyanî me

Bihrî Bênij

Ez biyanî  ser erdê xwe   biyanî me

Ev çi rewşe li warê xwe   biyanî me?!

Kes bi êş û  kovanên min qet na hisê

Ez li gund û    bajarê xwe biyanî me

Derê karan ber zendên min tev girtîne

Ez li seyr û   guzarê xwe    biyanî me

Çiqasî hişê  min rewşen bê  na hêlin

Ez şewqê bidim zarê xwe biyanî me

Dilerizin  hemû  endamên laşê  min

Li ber karmendê şarê xwe biyanî me

Ez    di  semitim  bi agir  û ava  xwe

Daran dixum  bi darê xwe biyanî me

Ez  li  welatê  xwe  ji pila   siyem im

Jar tir im  ez ji  jarê  xwe   biyanî me

Sê  sitem hawîr gerdena min hûnîne

Ez  dîlê kar û   barê  xwe  biyanî me

Ji bo  sibe   şevgêrim li ber embaran

Ji bo çayê, şekirê  xwe    biyanî me

Bi roj ez di şewitim ,     ez diqufilim

Ez li bin  giran barê xwe   biyanî me

Ne wek ti  mirovan    li cîhanê   dijîm

Ez ne wek xuşk û birê xwe biyanî me

Reşkê şevê     biyanîtîyê     pey   min e

Ez  li hemû  reftarê  xwe    biyanî   me

Na hêlin ez bibim karmend ne jî serbaz

Ramyarî  bikim karê xwe   biyanî    me

Bê   çand û   mand    bê deng  û   bang

Jînetehlim    bi serê  xwe     biyanî me

Na  hêlin  ez sînorekî   derbas   bikim

Mam matê çar  kinarê xwe  biyanî me

Bi zor    biyanî  anîne   ser   xakê  min

Neçar  dikim  hevparê xwe  biyanî me

Behra   min ji  erdê  dane     biyaniyan

Bêzar  mame  bi arê  xwe     biyanîme

Zanav nîme ango her  çi mafek   nîme

Kûve bibim  hewarê xwe    biyanî  me

Kurdîtî  gunhê mine ez  çi kêm  dikm

Ji pariyê  kedxwarê   xwe  biyanî  me?!

Qamişlo…9/tebaxê/1988

çapkirin