Dermanê gelan

Bihrî Bênij

Ev şaxikên ter     têne    quraftin..!

Birîn    û    keser    têne       axavtin

Hinav û     ceger    pir tên   pişavtin

Zarok û     nûber    têne    hingavtin

Hê  xunçe bijkoj       gul   diçilmisin

Her şev û her roj       can    dihelisin

Jan  li dil  bi noj        kul   namelisin

Çîçelokên     zer       tên  perçiqandin

Kehnî her  û her       tên   miçiqandin

Ji destan    sîper       tên    fistiqandin

Ey miletê  Kurd       çi    xêrxwazî tu..?!

Bin lepê pijmird       belengazî       tu..!

Riya   tarî   berd       bike      gazî   tu

Ger   tu razabî           tê  xwîna sor dê

Wer tu aza bî          tê  xwîna  sor  dê

Ya baş tu rabî           jînê    bide     dê

Çawa    tê  hedar          bê niştiman te?

Pir deng û hewar       hildan ezman te

Kesî ne biryar              ne pûte dan te

Hêza te xwendin        zemîn hejandin

Gelêrî      pendin        çav sor rijandin

Şeker  û  qendin         têne    mijandin

Dermanê gelan           gişa        rizgarî

Wek derdê dilan             wek evîndarî

Bihrî     bi gulan             kir   pişikdarî

Qamişlo..18/2/1989

çapkirin