Firiştê evînê bike mehder

Bihrî Bênij

Ma gunah e bûm evîndar..!

Wî sûc çi bû ev dilê  jar..?!

Jîn   li wî   bû êş û  azar…!

Jiyan bi min bû tehl û sar!

Bûm keştiyek derya bê av

Girêdayî        bi takî   xav

Behîtin min   cerg û hinav

Li dilê   min     pizot û  ar

Bê te  çiye  sûda çavan?!

Ketim ya te ji nav davan

Têde hiştim  li ber tavan

Şapan birim bê deng û zar

Ez perihtim hey lê keyê..!

Pişt  tewî    ji dax û  keyê

Wek  fîxana    saz û neyê

Di kim feryad nîne hewar

Agirê   te girt   dehlê dil

Bûne komir    dar û çiqil

Xwîn ji  kelê bû ba li zil

Da awazek germe dijwar

Koh helandin bi nalê min

Stêr werandin bi kalê min

Bi ke mehder  li halê min

Firiştê   evînê    cem   yar

Qamişlo 27/10/1997

çapkirin