Ji xwe bipirsin

Bihrî Bênij

Berî   rawestê    cenga we

Hêj   li  erdê ye  jenga we

Bi  pirsin  ka ji  hinga we

Çi  kir  bin  lep û linga we?

Laşê   çendan  jev   peritî

Gundê çendan   pê  xeritî

Mafê  çendan  pê     keritî

Mirov avêt   ser tinga  we?

Arî hevdû we çend mûşek

Avêt    mirovên  bê  doşek

Bê şîn û kul ne ma hewşek

Çend  ten kir wek bêjinga we?

We  qir û  qewt  li şaran kir

We  şewt û  pûr li daran  kir

Kerm  û  kuştar li zaran  kir

Çend  singo xistin  sînga we?

Çend(Helebçe) we xopan hişt

Çi  jehir   we li   ezman    hişt

Çend  jin bî we     perîşan hişt

Çend  kek û bav kuşt tivinga we?

Çavên  çendan  derbûn   peqîn

Destên çendan   jêbûn     leqîn

Serên   çendan     jêbûn   teqîn

Çend kes  hûr  bûn bin tanga we?

Çend di cihde   bûne      kûmir

Çend    şîrmij   tev  dayikê  mir

Çend   kiloxên    Kurda bûn pir

 Kuşt   minal  nav  colenga  we?

Bûn beyaban   çend gulîstan

Li  çar   kinarên     Kurdistan

Çend dibistan bax û   bustan

Dan  ber bumbên perenga  we?

Çend  nojdarên    jehrê we  kuşt

Çend  nexweşxan ser wan felişt

Laşê       Kurdistanê         qelişt

Noşî        xwîna   pêşenga   we?

Çend   kevok  we  anîne  xwar

Jev  qut  kirin     çend evîn dar

Çerxên     dîlanê    bûn   zêmar

Anî         qira        lehenga we?

Bê  ceng jî we       gel  didizî

Va we kir  lê          abor  rizî

Qad  ji   kînê           diderizî

 Bin  we û bin  dûvpenga we

Bo çi  şergeh bû   Kurdistan

Bo  çi  her  der bû   goristan

We ne di xwest şer rawestan

Ger  xir   ne bûya   binga we?

Bihtirê  şer       peymanekbû

Kuştina  Kurd     nîşanekbû

Bo  dîrokê          bêşanekbû

Boçi  Kurd din  qelenga we?

Xap li  milet   hat bûrandin

Hin  dîl  kirin hin  gurandin

Çerx li Kurdan we gerandin

Pirsî   li  aştî     kînga    we?

Dîroka  we  tevde     xwîn e

Alîyekin     bed        cêwîn e

Gel we dixwest kû ne  mîne

Da  kû kêmbê  astenga    we

Qamişlo..10/8/1988

çapkirin