Liyan 

Bihrî Bênij

Liyan !  xwezî  te  zanî ba

Dil   mestanê xeml û  zîba

Te destê  xwe ser  danî ba

Da  li   tihna  te     banî ba

Liyan! xwezî te xwîn dî ba

Têde   tu   yar û       hebîba

Bere  te   xwîn  tev mijî ba

Jîna    mayî      bila    nî ba

Liyan!   xwezî   te nerî ba

Ji  pencerê     hemberî  ba

Li   halê  min   tê   girî ba

Her   berê  min  li banî ba

Liyan !   li hiş tu    gerî ba

Tilî   li   nav     temberî ba

Navê   te   wê  ser  derî ba

Bi   evînek       yezdanî ba

Liyan! Xwezî  min karî ba

Ez   bayekî          biharî ba

Li biskên    te  ez    barî ba

Min nan   ne ba ne xanî ba

Liyan!  Carkê   te   bihî ba

Ristên min  bo  te hûnî ba

Te nas kir ba    çi    lehîbe

Lê  ji      te  re      hesanîba

Liyan! bo ron û şewqa te

Di  kim  bêrî û  şewqa te

Dîlim  bi coş  û tewqa te

Xwezî  zû  ez  zindanî ba

Can  nav  agir  û hewes e

Lê  bi  tere  wê     vehes e

Jiyan   maba  rojek  bes e

Bere   ew   jî      liyanî ba

Liyan! canê ez nexweşim

Bin daran de  da di weşim

Xwezî  tiba  tim   li çeşim

Çiya  min  dê      hilanî ba

Qamişlo10/3/2000

çapkirin