Nivîskarê Pênûs Qirêj 

 Cemal Ballikaya

 

Ger sîstemek bingeha perwerdeya xwe bi gor jiyana mirovahiyê nebe, kesayetiyên wê sîstemê jî sî ya wê sîstemê ye û jiyana xwe bi wê awayê dimeşîne . Jiber vê yekê jî ne pêwîste nijad netew kesayetî an jî ol a wan kesayetiyan yek be. Lewra heman sîstemên bi vê awayê tenê li ser hesabên qirêj berjewendiyên kesayetiyê vanan derdixe pêş û bigor xwe çarçoveyek ji wan re çê dike û kirasê xwefiroşiyê li bejna wan dike û bikar tîne.

 

Ev kesên bê şert û merc xwe spartine vê rê yê, hemû cureyên bêbextiyê derew, xapandin, kuştin, talankirinê ji bo xwe mafekî rewa dibînin û di encama hemû kiryarên xwe de dixwazin mafdarbûna xwe di qada navnetewî de bidin xwiyakirin û wan kes û civakên ku li ber xezeba wan ketine sucdar bikin. Ev jî bêexlaqî û rûreşiya herî mezin e ku him dikuje, him ji sucdar dike.

 

Gelê Kurd di dîrokê de jiber van leyistikan herdem heznî bûye û histûxwar maye. Jiber ku nexwestiye ji çarçoveya mirovahiyê derkeve û heman bêbextiyên ku dagirkerên Kurdistanê pêk tînin bikar bîne. Hin kesayetiyên vê yekê bikar anîne jî li cem van sîstemên dagirker cîh girtine û bûne paleyên wan û şûr û mertalên xwe ji bo birayên xwe tûj kirine û bûne rûreşiya rûyê mirovahiyê.

 

Di van rojên dawî de jî piraniya nivîskarên pênûs qirêj yên Tirkiyê hemû cûreyên bêbextiyê bikar tînin. Ji van nivîskaran yek jî Yilmaz Ozdil e ku di rojnameya Hurriyetê de dinivîse. Di rûpela serî ya vê rojnameyê de ji roja ku ava bûye vir de ev nivîs heye ´´Tirkiye ya Tirkan e`` Ev nivîskar wek alternativê Emîn Çolasan du sal berê cihê xwe girt û ji wê rojê şûn ve hezar car ji Emin Çolaşan zêdetir pêsûsa xwe ya qirêj li dij gelê Kurd xebitand û hîn û hîn jî pêk tîne. Di nivîsa xwe ya herî dawî de jibo girtina DTP ê weha dibêje.

 

´´Hin derdor dibêjin li Ewropayê dewleta herî pir partiyan digire em in`` Em in, jiber ku li Ewropayê partiyên ku tên girtin bi hemû endam û rêvebirên xwe nikare carek din di bin navek din de vebe.

 

De werin kuman deynin û pirsan jê bikin, Wek gotinek pêsîyan heye ku dibêjin ´´ De were vî kerî di vî bihurî re derbas bike``

 

Her ciqwas ji HEPê ta DTP ê bi hezaran endam û rêvebirên van partiyan binçav bûne, êşkence dîtine, di bin çavan de hatine qetilkirin, hatine kuştin, laşên wan di bîrên petrolê de mehiyabin lê dîsa dilê vî pênûsqirêjê hîn rehet nebûye û ger bi ya wî be diviyabû hemû endam û rêvebirên van partiyan hatiba qedexekirin. Ev jî tê wê wateyê ku ji Kurdan re sîyaset, derketina kolanan xwestina mafê demokratik qedexe ye. Tenê ji kurdan re mafê mirinê heye.

 

Belê pênûsqirêj Yilmaz Ozdil, gelo emrek te yê din heye an na, Ew wezifeya te ye û tu neçarî ku li ser xwîna gelên mezlûm pênûsa xwe ya qirêj bikar bînî. Jiber ku xwarina te goştê mirovan, vexwarina te xwîn e û jiyana te bi berdewamiya şer ve girêdayî ye. Lê wezifeya me jî ew e ku em te û yên wek te baş nas bikin û hemû bêbextî û gemariyên we jibîr nekin.

 

Belê pênûsqirêjê ne tirk û tirk perestê herî bilind, em jî ne golikê bavê te ne ku li benda te û yên wek te bimînin ku ka hûn çi fermanê ji bo me didin û em jî bigor wê fermanê tevbigerin.

 

Em dizanin ku tu û yên wek te tenê di hemêza sermayedaran de dikarin pênûsên xwe yên qirêj bikar bînin û gelan berdin hev û kolosên xwe xwar bikin û li wan temaşe bikin.

 

Lê tu zanibe tu û yên wek te wê di dîrokê de cihên xwe yên qirêj digirin û ew pênûsên we yên qirêj jî nikarin we xilas bikin

 

Cemal Ballikaya

 

cemalballikaya@yahoo.de

 

çapkirin