Dilê Belengaz û Dilê Dagîrker

 Dayka Kurd

Gotinên min bo te

Ji dilekî bê welate

Di çavên wî da

Toza xemane

Di bilûra devê wî da

Awazên kulane

Dêmê wî yê damayî

Dîmenê bi êş û jane

Lêvên wî yên girnijîn

Tihnîyên azadiyane

Ev gotinên min

Ji dilekî tengin

Lê çi bikem gotinên te

Tevda şerr û nengin

Gotinên te:

Ji dilekî dagîrkerin

Di çavên wî da

Bela û cengin

Bilûra di devê wî da

Top û tifengin

Dêmê wî yê rûkenî

Dîmeneka bi fend û fêle

Lêvên wî yên bi girnijîn

Ji kanyên welatê min dimêtin

Ev car:

Çawa dilê minî belengaz

          û

Dilê te yî dagîrker

                  Dê bibin yek!

çapkirin