Ger min şîyaba

 Dayka Kurd

Ger min şîyaba

Gazîya bê deng bişkînim

Kulên wî dilî bo te bêjim

Rondika li ser gorrî birêjînim

Da bibin deryayek bê bender

Ez û tu di nav da gemîvan

Ger min şîyaba

Ji payîza dilê xwe

Bo te binivîsim

Tê da dîmenek

Ji rengên kehî û kûvî bînim

Payîza me

Da bibe daristana rengan

Ez û tu di nav da

Qulingên Penaber bin

Ger min şîyaba

Serkarwanê vînê bim

Hefsarê dildiza kişandiba

Dil ji barovayê xilas kiriba

Di rêya rêvingan da

Ez û tu tenê tê da

Da bibana sîtavkek

Ji karwanê vînê

Ger min şîyaba

Kewê kehî yê nêçîrê

Ji kewên kûvî yên netewî

Dûr xistibana û firandibana

Ew qefes da biba

Hêlîna awazan

Di nava wê hêlînê da

Ez û tu tenê da bibana

Koçerên bê hêlîn

Lê çi bikim

Xatirxwestina ji xema

Tenê bo te bû

Mayîn di gel êş û jana

Tenê bo min bû

Ji bo derbirîna vîna te

Du çavên girî

Du destên xalî

Vîna min Pênûs´e

Di pirtûka vala ya dil da

Tenê û tenê

Parsekvan´im

Parsekvana rêya helbestan

çapkirin