Gopal

 Dayka Kurd

Ger ji qedema ketim

Tu bûy gopalê destan

Di destan da nebe şiv

Ji bîr neçûyne dastan

Da tu bajoy wek garan

Xelkê welatê Kurdistan

Ji bîr neke pîra parzînk

Bêrî û welatê bindestan

Şivan, bazên şax û çîya

Mêrg û çîmen û daristan

Koçberî û enfal û komkujî

Çel, tirs û rev li çep û rastan

Ew dîroka bi xumava xwînê

Qonax qonax hatye nivîsan

Ji teşiya dîroka welatê me

Tevnê dastaneka nû hatiye ristan

Bi til û wijdana xwe reş neke

Da ala serkeftinê bê ramûsan

çapkirin