Kurdperestim

Dayka Kurd

Ger min qîbleya xwe guhart

Li min negire Xudayê min

Çar kenarên welatê min

Çar qîbleyên pîrozin

Her nivêjeka min

Ya bûye çar rukiet

Başûr û Bakûr

Rojava û Rojhelat

Ya bûye dûaya min

Ciwantirîn vîna min

Ka ew roj

Ku ez biçim tewafê

Vexom ji ava

Kanîyên Kurdistanê

Navê wê rojê bibe

Roja azadî û jîyanê

Êdî bese, berx û beranên

Çîyayên Kurdistan  

Bibin qurban                      

Min nevêt tewafa tê da

Rih û can

Bibine qurban

Ji agirê bindestîyê

Her parçeka welatê min

Ya bûye hêlîna       

Kul û derdan

Lewma

Li benda çirayên azadîyê

Li bin ala aştîyê

Li gel sirûda netewîyê            

Kurdim, Kurdperestim

Ji evîna welatê xwe

Jar û mestim

Kurdperestim, Kurdperestim....                  

Dayka Kurd

çapkirin