Ûrmiyê

Dayka Kurd

Tu bûyî bajarê minê vînê

Pirrî bîrhatinên wefa û jînê

Li ser derya te

Pêlên eşqê, min şeqandin

Ji çîmen û mêrgên te

Gulyên gula, min vehandin

Li ber stran û awazên te

Dildaran govend gerandin

Di gel her seyraneka Bendê*

Me dil ji xeman revandin

Li bin sîbera kebrên te

Xewnên şevan, me borandin

Dengê sîlavên te

Nalînên dila veşartin

Kanî û rûbarên te

Şînwarên dîdaran bûn

Ûrmiyê bajarê vînê

Cih û meskenê evînê

               ****

    Felek-xayînê, Bayê te yê payîzê

             Du sorgulên jîna min verandin

                  Ji Urmiya kurdan, bajarê minê zêrîn

                         Dûrxistim û veqetandim

Dayka Kurd

*Bend: Gundek´e û seyrangehek nêzîkê bajarê Ûrmiyê ye.

çapkirin