Behişt                                

                                              Dîlan Zêbo

Dûû…….r,

Bi qasî mêlûdiyeka xemgîn

Di bin kuntara çiyakî

Bejna xwe bi êşan dagirtî

Behişteka veşartî heye!

* * *

Biharekê,

Jê pirs kir:

Navê te Evîne?

Payîzek bi ser de hilweşiya

Darekê,

Jê pirsî:

Çend keziyên te hene?

Ji tîbûna ra hişk bû

Bapîrê min gotê:

Ez kurê te me?

Bi Keleha Amedê de mêx kirin

Birayê min gotê:

Ma tu ne yara minî?

Dîwarên Bastelê li pişta wî bar kirin

* * *

Li wir!

Gurên bi çar seriyan hene!!

Bi fîlarên hesinî,

li ser sîngên zarokên berfê dimeşin

Çîrokên şewatê li ser eniyên dayîkên şînê dinivîsînin

Pîvokên tirsê di guhên Avdaran da diçînin

Sivankên dilsoziyê bi jehra biratiyê avdidin

Arê min got:

Behişteka veşartî heye 

Zîngzînga zengilên hespên azadiyê ne

     * * *

Bilez! Kurê min

Bilez! Keça min

Bilezzzzzzz!

Hin çûn

Em jî derin

Û

Hinek din jî tên

Bilez! Şêrên min! Bilez!

* * *

Gavek din

Bêhnek din

Şewatek din

Jehrek din

Qêrînek din

Bimeşiiiiiiiiiiiin!

çapkirin