ZÎNÊ XEMLA XWE LI XWE NAKÎ

Dildarê Mîdî

Erê zînê

          Erê jînê

                  Bi viyanê, bi evînê

Heta kengî

               Bi vî rengî

                  Bi xemgînî bû derengî

Tê bi xûnê....?

               Tê bi hûnê.....?

Tê bi rêsê....?

               Tê verêşê

Tevna demê

               Jan û xemê

Bedlê memê

               Erê zînê

Wey zîna min

               Çav reşa min

                     Xew xweşa min

Ez dizanim kû hemû terziyên cîhanê

Heq ji fesala kirasê teyê bû kaniyê

Dernakevin..........

Hemû hunermend û xemil karên cihanê

Heq ji xemla bejna teya bû kanî

Dernakevin..........

Hemû dengbêj û saz û awazên cîhanê

Heq ji,sirûda şahiya dilê te, derna kevin 

Erê zînê........

Ji ber kû hemû jî ne saz bendin..

               Ne hunermendin..

                         Ne dilsozin..

                               Ne bilûr vanin..

                                    Ne siyamendin..

Tenê bilîstkên tiliyan di tariyê de,

                                           Jêhatîne..

Bi kurte pistên di guhên qirêj û gemarîde

                                       Pêk hatîne..

Bi qulopanî kû sopirmaniyan pêlewanin,

                                       Kêr hatîne..

Erê zînê...........

Tenê xwediyê mark û dolara ne

Ser xweşên bihna benzînê ne

Xwediyê bazrganên sûkê reşin

Xwîn firoşin

             Hestî kojin

                       Efyon kêşin

                                     Derwêşin...

Û bi serdejî bandikin ..

                    Dikin hewar ....û

                                   Di bêjin:

Hê waaarne evînê

        Hê waaarne civînê

                   Hê waaarne aştiyê

                      Hê waaarne demuqrasiyê

Zîna min...

Ez di zanim bi vî rengî tu serê xwe

                                         Ranakê

Tu pora xwe bernadê çavê xwe

                                          Kil nakê

Ji ber kû tu di zanê hîn mem di zindanê dayê

Û melê çizîrî pişt şewitîye

                      Û bi sitya bisk kesk

                                      Şanebûye                                     

Û ehmedê xanî hîn ji kurda xeyidiye

Û ceger xwîn hîn û hîn bi derdê

                                  Kezebêye                         

                                          Zîna min              

Lê .... vêcarê

Xwazgînî xem xurin       

            Hemû pismam û bav û ap û kurin

Pêş mergene,gêrîlane,hîmin,latin kevirin

Gurzên beşişan dinê li ser lêvên te diçênin

Şahiyê bi xwîna xwe ya sor ji tere dikirin

Berxê nêrin,findin,şemalin, çirîskên êgirin 

                                       Zînê min

                                       Wey jîna min..

                        ***************

çapkirin