RAWESTE

HEMKOÇERÊ CEZAWIR

Wek bilbil û wek kevokan dengê te

Weke roj û heyva banî rengê te

Bejn û bala te dirêj e wek dara

Siya mijangên te warê dildara

Çavên te mîna rengê derya Wanê

Sîngê te sipî wek berfa Sîpanê

Ey delalê nûgihayê lêv şekir

Gava bayê xerbî porê te şe kir

Te agirek berda dil û hinava

Min li pey wek nêçîrvana da gava

Wek kîvroşkan te li pîşam baz dida

Bisk û keziyan bi bê re saz dida

Ey nazikê nazenînê raweste

Bes e li pey te canê, can diweste.

çapkirin