Hesret û pêkanîna ku bi coş; li seri, dil û mejûyê helbestvanî dixîne. Dil zîzî dike û  bi pê penivis û lênivisê dixîne. Hişmendîya mirovan jî can û hinavên mirovan dihejîn e. Ji vê hejandinê peyv xwe dadigire û dadikeve ser kaxezê.  Helbest parvekirina hissî ye. Dixwaze ku hesret û hûnera xwe, xem û şahîya xwe, armanc û aramîya xwe, dîtin û ramanên xwe yê jîyanê  ji mirovatîyê re parve bike. Ji derd, keser û şahîyên xwe re civakê dike şirîg û hîşyar dike.

Kekê Newaf Miro, ji  hêvî û hesreta xwe  dest avêtîye pênivîsa xwe, hest û helwêsta xwe, eşk û êşa xwe, bi zimanê xwe yê ressen  û bi  ramanên xwe yê wekirî  ev kitêba weke helbest danîye ber xwendewanên kurdî. Êdî xwendin, şirovekirin û kirîtîkkirin, rexne û rexnegirtin  ji bo ku berhemekî kurdî herî  pêşketî be hewldaye. Ev  dê  bi bawerîya ku kalîteya edebîyata kurdî  berz bibe dest avêtîye vê behremê û hunandina wê pêwîst dîtîye.  Lê dema ku yek berhemek,  kirin dewsa pitepitê ev ne tenê zirarê digîhîne berhemê, belko dilsarîya ku bi kardixe, cîhana edebîyatê weke nivîskar, xwendekar, weşanger jî ji karê çap û weşanê re sar dike.

Hun xwendekar  di vê kitêbê, ango helbestê de dê xwe bibînin û dewlemendîya zimanê xwe yê kurdî ji nû ve kifş bikin û biecibînin.

Kekê Newaf Mîro berhemeke afirandiye ku ji bo biblîyoteka kurdperweran, ez/em bibawerin ku hûn dê tê de bernameyeke hûnera zimanê kurdî û bangawezîya hîşyarîya neteweya xwe dê tê de bibînin..Bila dest, hiş, aso û dilêrîya Kekê Newaf her bijî.