JÎYANA NIVÎSKAR

Feyzî Demîrag; di sala 1959 de li bajarê Mûşê  gundê Sêgira hatîye cihanê. Dibistana serateyî  û medreseyêde xwendîye. Di karê tekelê de xebitî. Di sala 1990 de liherema xwe  di partîya HEPê de rêveberî kir. Sala 1991î de hate dîlgirtin, di  zîndana Muş, Erzincan, Xarpêrt û Amedê de ma. Dure hate berdan ji tekelê hate avîtin û kocberê bajarê Sakarya yê bû. Li Sakaryayê rêveberîya partîya HADEPê de  xebitî. Demeki şûn ve disa hate girtin û di zîndana Sakarya û Geyvê de ma.

Di hilbijartina sala 1999 de namzeta xwe ya  endamêtîya  parlementoyê ji bo bajarê Corumê danî. Sala 2002 de ji DGM ya Stembolê 12 sal û 6 meh ceza lê hat birîn. Mecbur ma derkete Evrupayê welatê Firansa yê. Li wê jî di  nava rêxistinên Hik ,Komela Ahmet Kaya û Radyoya  Dengê Mezopotam ya yê de kar kir. Pirtukekê nivîskar  weke helbest  bi navê “Evîna  Mîr Hesen”  di sala  2001 de di nav Weşanên Pêrî de  çap bû.  Ev pirtuk a bi navê Jiyana Bextîyar pirtuka duyemîne ku tê çapkirin, Feyzî Demirag penabere û nika li Firansayê di  Parîsê de  dijî.

***

Li rojhilata navîn çîrok û serpêhatîyê bi vî awayê bi sedan salin ku di nav gelan de tên gotin û naveroka hemû çîrokan bi rewşa wan gelan ve girêdayîye. Ji van gelan yek jî gelê Kurd e, ku di rojhilata navîn de xwedî wêjeyek  gelek qedîm û kevnareye. Me jî ev çîroka ji pêşîyên xwe girtîye û  heta roja iroyîn anîye. Di jîyanê de bûyerên ku qewimîne bi çêyî an xirabî, başî an nebaşî, bibextî an bêbextî hemû di van çîrokan de derbirinbûne û ev jî wek neynikek di jîyana me ya rojane de derketîye pêşberî me.