-Şilaaaan.. !!

-Firaaar!!!

Piya vırare ardi jumıni ra. Hermanê xo miyanê jumıni ra heni zıxm, heni germ, heni bı zeriyê de xoriye pılêsnayi bi ke, wastêne wa heni bı saatan vındêne.Çımê inan qaytê pıştiya inan kerdêne. Her dı çımi ki hitiye de bi bi pır. Zor dêne çımanê xo ke hêstıri merışiyê. Hama beşe nêkerdi bi.Hestırê çımanê inan rışiya, sênê ke zeleqiyayi bi jumıni ra, gorê nê hêstırê ke rışiyêne, lerzêne.Se ke kesi cesaret nêkerdê, sarê xo berz bıkerdê, biyamêne ru bı ru. Firari dılopanê çımanê xo kerd pa, hermanê xo ant, sarê Şilane kerd mabênê kulma destanê xo, ameyi çım be çım. Seba ke Şilane hina berbayena xo nêşıkiya bi bıbırno, wastêne sarê xo tepya bero,çewt bıkero. Firari fırsend nê da cı. Sarê xo, vırda serê sênê Firari.Firari rêyna sare berz kerd, dılopanê çımanê aye ebe destanê xo pa kerd. A waxt qaytê zerê çımanê jumıni kerdi. Firar wastêne endi Şilane bıhuyo.

-Şilan.. To ra vana...

-Keremke.. 

-Tı a kılame endi mı ra vana heni niyo?..

-Heya...

-Wastiya mı...

-Wastiyê mı...

-Dınya qey ewro mı ra zaf germ o? Paris qey niya germ o?  Huyayi...''