|
|
- Asimîlasyona
Erdogan û Xwe-asimîlekirina Kurdan!
-
-
-
-
-
- Evdile
Koçer, evdilekocer@yahoo.com
-
-
-
-
-
-
- Dema ku serokwezîr Erdogan li
Almanyayê behsa asimîlekirina tirkan kir ez jî nizanim ji ber çi lê
hiþê min çû ser wî zilamê ku dîk diziye: Rojekê zilamek li gund
dîkekî didize, ji zikê xwe re noþîcan dike û dû re jî berê xwe
dide qehwexaneya gund.
-
- Di qehwexaneya gund de sohbeteke
germ digere û haya ti kesî ji dîkê ku zilamê me diziye tune. Lê
zilamê me di bin hiþê xwe de difikire ku haya her kesî ji dîkê ku
wî diziye heye. Kî çi bêje zilamê me dibêje qey behsa dîk dikin
û gumanê dibe ser diziya xwe.
-
- Serê her kêliyê jî wiha dibêje:
“We got dîk…!”
-
- Her çiqas ku gundiyên me dibêjin,
“Dîkê çi halê çi, ev xwedêjêstandiyo çi dibêje…” jî, lê
zilamê me gumana wî zêdetir dibe û xwêhdan di stûyê wî re davêjê.
Êdî sebr û tebata zilamê me nayê û bi ser gundiyan de diqîre:
“Heyran, wileh bileh min dîk nediziye…”
-
- Gundiyên me piþtî çendeke din
meseleya dîk fêm dikin û hema di cih de bi stûyê zilamê me
digirin.
-
- Jixwe serokwezîr Erdogan jî dema
ku li Almanyayê qala asimîlasyonê kir, medya û siyasetmedarên
Almanan rabûn ser piyan û weke ku dizê dîkekî girtibin di cih de bi
stûyê Erdogan girtin: “Dev ji asimîlekirina kurdan berde!”
-
- Ez nizanim haya Erdogan ji psîkoanalîstê
mezin Freud heye an na, lê dema ku qala asimîlekirina tirkan dike, bi
qewlê Freud ji binhiþê xwe dixwaze ji me re behsa asimilekirina
kurdan bike. Ji ber ku kerê kor jî dizane ku li Elmanyayê –dev ji
tirkan berdin!- alman bixwe ditirsin ku ew ji destê tirkan bêne asimîlekirin.
-
- Helbet ez di vir de behsa dirûtiya
siyaseta Erdogan nakim, ji ber ku “rû”yekê wan ê veþartî tune:
Hem li nalê û hem jî li bizmêr dixin!
-
- Lê divê ez bi cegereke peretî
gotinê bînim ser dirûtiya kurdên ku xwe bi nal û bizmarên malê
asimîle dikin û hebûna xwe ji siyaseta Erdogan re dikin mêrg û çîmen.
-
- Masiyên xwînmij bi eþkere, di
nav henekpêkirinên Almanan de kurdan asimîle dikin, lê ev kurdên me
jî çawa ku behra kurdayetiyê ji van masiyên xwînmij re vekin di nav
mala behra xwe de xwe bi destê xwe asimîle dikin û fatiheyeka Kemalîstan
li ser serê me dixwînin!
-
- Masiyên kurdî-mij ên dewletê û
masiyên kurdan ên xwe-mij mixabin bivênevê yarmetiya hev dikin û bi
vî awayî di bin pireya kemalîstan de digihîjin hev.
-
- Almanên ku tevna Freud nas kiribin
helbet henekên xwe bi gotinên Erdogan kirin, lê em hê jî nikarin
devê masiyên kurdan ên xwe-mij bigirin û bi dengeke bilind ji wan re
bêjin: Xwe-asimîlekirin sûc e!
-
- “Diz”ên ku îro têne sazî û
qehwexaneyên kurdan êdî bi dengeke bilind behsa diziya dîk dikin, lê
“gundî”yên kurdan xwe kerr û lal dikin…
-
- Heke ji van “gundî”yan be, dê
mirîþkên kurdan jî bi dizê malê re parve bikin û dê ji zikê xwe
re bixin noþîcan.
-
- Ez ditirsim heta hingê tiþtek ji
siyaseta Erdogan re nemîne ku bin-zik bike.
-
- Heyran dilê xwe nehêlin; bila serê
mamoste Freud sax be!
|
|
|