|
|
- Kurdên
di guhê gê de!
-
-
-
-
- Evdile
Koçer, evdilekocer@yahoo.com
-
-
-
-
-
-
- Heke rojek ji rojên Xwedê zoolog û antropolog lêkolîneke
biçûk li ser gayên Kurdistanê bikin, dê bi çavê serên xwe bibînin
ku piraniya kurdan hê jî di guhê gê de dijîn.
-
- Lêkolîneke wisa ji bo xwenaskirin û ga-parêziya
me kurdan dê bibe þoreþeke mezin.
Piþtî hingê belkî hemû krîterên me yên welatparêziyê ji nû ve
biguherin û belkî em xwe bihesin ku me bêriya Erturk Yondem û Guntaç
Aktan jî kiriye, kî Xwedê dizane!
-
- Na na þaþ fêm nekin, ez bi xwe tu gilî û
gazincan ji van kurdên di guhê ga/gê/gayî de dijîn nakim; heke rast
bibêjim ez ji vê yekê pir kêfxweþ im û her sê saetan dilê min
dibije jiyana wan jî.
-
- Erê rast e, belkî ji derve li ber guhê gayê reþþþþ
Kurdistanek jî ava bibe û ew nebînin; lê tu çi dizanî belkî ew jî
di guhê gê de deh "Kurdistan"an ava bikin, an na?
-
- Temam rast e, kurd zû bi zû –her sed salan!- ji
guhê gê dernakevin û li derdora xwe nanêrin bê ka çi diqewime; lê
qet nebe ev biwêja xweþik û narîn ji destê wan afiriye, ji guhê gê
derketiye derve û bûye "Filankesê/a di guhê gê de!".
-
- Vêca ez bi xwe nizanim ev biwêj di çend saetan
de afiriye, bi têne Xwedê dizane!
-
- Divê ez rast bibêjim ku heke ne bi xêra van
kurdan û vê biwêja gulgulokî bûya dê ev nivîs jî nehata nivîsandin;
erê bi serê we kim!
-
- Bi saya serê van kurdên me yên ku di guhê gê
de pal didin, tizbiyên guherîn û veguherînê dikiþînin û dinyayên
qeraseeeee û bêsînor ji min û te re ava dikin, ez bêtir dikarim li
ber siya vê dinyayê bimeþim. Heke ne ji wan bûya, niha belkî min ji
koçertiya xwe jî fedî þerm û fihêt bikira.
-
- Êdî baweriya min jî wekî penîrê koçeran ji vê
yekê tê ku dê deriyê cinetê serê pêþîn bo van kurdên me yên
ku heta hetayê di guhê gê de dimînin vebe. Lê tiþta ku ez jê
ditirsim ev e ku belkî horiyên li cinetê hemû fantazî û xeyalên
xwe di serê van kurdên me de bikin û biceribînin.
-
- Na na ez henekan nakim, belkî ji bo vê yekê kurdên
mayî jî li bizina xwe ya reþ –bê mane!- siwar bibin û vegerin guhê
gê! Ez wekî navê xwe dizanim ku heta horiyek hat dê di wî guhî de
mexel bidin.
-
- Helbet ne bi horiyan, lê kêfa min bêtir bi wê
jiyana di guhê gê de tê. Ez bi xwe jî di guhê gê de pir mame; dema
ku canê min ji min aciz dibe radihêjim konê xwe û dîsa berê xwe
didim wir.
-
- Heke rojekê koçerên wekî Woody Allen û Behmen
Qubadî kamerayeka xwe di wî guhî re bikin û çend dîmenan deynin
ber hizûra we; a hingê hûn ê fêm bikin bê ka çima ez di vê nivîsê
de behsa fantaziyên horiyan ên dilkoçer dikim.
-
- Heke hûn ji min bipirsin, ez ê bibêjim ku jiyana
kurdan a di guhê gê de li ber tovê pêkenokên Apê Mûsa û Ezîz
Nesîn þîn bûye; yanî ew çend xweþik û rindik e ezbenî.
-
- Tu dibêjî qey her kurdê ku hemû ilim û irfana
dinyayê daqurtandibe û xistibe qurequr, çawa ku ji jiyana derve aciz
bibe berê xwe dide guhê gê û jê dernakeve.
-
- Edî ji bo van kurdan tu dibêjî qey her tiþta
"postmodern" jî mir û dawiya dinyayê hat mîrê min.
-
- Ma tu fikir û îdeolojiyên wan ên ku di guhê gê
de dikin teqereq nabînî delala min?
-
- Ma tu emrê gotinok û teoriyên wan ên dirêj nabînî
ezbenî? Ma tu wekî gayê me yê belek kor î?
-
- Heke di salên pêþ de wekî "Ekola Mekteba
Frankfurtê" bi xêra xebatên wan ên rewþenbîrî naveke
"Ekola Mekteba Guhê Gê" li pey wan bikeve dûre nebêjin koçero
tiþtek nedizanî.
-
- Gerçî wê rojê camêrekî ji þekala we ne çêtir,
çend gotinên pismamê min Umberto Eco di guhê gê de ji xwe re
qulibandibû badabû pîne kiribû û xistibû hewdelok. Bêyî ku çavkanî
bide, bêyî ku silaveke berhewa bide Seydayê me Eco, ji xwe re xistibû
nivîsekokekê.
-
- Min xwest ku jê re bibêjim "Tu çima çavkaniya
xwe aþkere nakî mîratê? Ma tu di guhê gayê ku di guhê gê de
mexel daye dijî gidîîî?".
-
- Lê min wekî navê xwe dizanibû ku ji bîr kiriye
ku çavkaniya xwe binivîse; jixwe her dem ji bîr dike, belkî jî ev
jibîrkirin ji ber hewaya ji guhê gê be!?..
-
- Gelo
we got çi?
-
- An hûn jî di guhê gê de dijîn?
-
- Not:
Ev nivîs di Azadiya Welat de jî hatiye weþandin.
-
-
-
|
|
|