|
|
- Newroz
e… Newroz e…
-
-
-
- Evdile
Koçer, evdilekocer@yahoo.com
-
-
-
-
- Newroz e… Xuþexuþa dilê biharê
ye. Çîveçîva strana azadiyê ye. Kulîlkên stûxwar ên adarê, xwe
li bêhna sibehên welatê min digirin.
-
- Newroz e… Bêrîkirina azadiyê,
wekî pêtên agirî ji rûyê zarokên delalokî dipeke û bi govendgerîna
xwe ve li rûyê gund û bajarên min ên dagirkirî dikeve… Rêça þervanên
bênav, bi çirûskên rojê re þîn dibin.
-
- Newroz e… Kela dilê min dibe
kenogirî û xwe berdide ser hemû hêviyên þîlanên siya Newrozê.
Tilîliyeke porspî ji dilê min dipeke û bi tilîliyên din ên dilevîn
re dibe banga azadiyê.
-
- Newroz e… Bi gotinên serxweþ
re, hêsirên dayikan aþ dikim û direþînim ser hemû deþt û zozanên
Kurdistanê.
-
- Newroz e… Lo lo þaîro, “ji
min re qala baranê neke!”(1), ronahiya Newrozê bibarîne ser hinavên
civaka min; tovê rojeke nû bireþîne ser xewnên dayikên xemgîn.
-
- Newroz e… Lo lo þehîdo, de vêca
serê xwe rake, êdî wext e, bide xatirê vê roja nû û bide xatirê
mezinahiya xwe, ji dilê xwe yê henûnok qanûneke nû çêke û hemû
“Ne-yaran bixe yar û dost û bira!”(2)
-
- Newroz e…
Daweta qewmê ji agir e. Prometheus banga vê dawetê kiribû:
Serî li hemû ‘Xweda’yan hildabû, ji wan agir dizîbû û ji însanan
re xistibû destmal! Kawayê Hesinkar agir berdabû textê hemû dîktatoran.
Niha zarokên Qendîl û Helebçeyê pêta vî agirî gurtir dikin û
xewnereþkên nû direþînin ser serê dîktatorên dilreþ.
-
- Newroz
e… Ezbenî, çavê te ronî, “Roja
ku dibûye î´dê Newrûz… Bilcumle diçûn der ji malan hetta digihiþte
pîr û kalan…”(3), mizgînî li te
helbestvanê nemir, “Wa roj helat le bendenî berzî welatewe, Xiwênî
þehîd rengî þefeq þewiq her edatewe”(4), êdî xemê nexwe, gotinên
te bûn ala û ketin ser siya gelek dengxweþan.
-
- Newroz e… Keçika ku dilê xwe bi
çîçekên Newrozê xemilandiye, xortê ku hezkirinê di paþila xwe de
germ dike, dê çaverêya hev bikin, dê agirê dilê xwe vêxin û dê
serê xwe deynin ser bihara rojeka nû.
-
- Newroz e… Ez ê îro kaniya hemû
ramûsanên dilê xwe bi awirên yara xwe der bikim û ji hinarikên wê
re bixim rojeke nû û ez ê jê re bibêjim: Newroza te pîroz be!
-
- ***
- (1)
Vîctor Hugo
- (2)
Paul Eluard
- (3)
Ehmedê Xanî
- (4)
Pîremêrd
|
|
|