|
|
Rengên
Xweasîmilasyonê!
- Evdile
Koçer, evdilekocer@yahoo.com
-
-
-
- Hûn
niha sedîsed wê meseleya hermet û malxwêyê malê dizanin: Ku yek ji
mal de, yek jî ji derve ‘mal’ê xira dikin.
-
- Vêca
meseleya hebûna ziman û çanda kurdî jî hinekî wisa ye ku em hem li
derve têne asîmilekirin û hem jî em di mal de xwe asîmile dikin.
Yanî hem ji derve, hem jî ji mal ve mala çand û zimanê me xira
dibe…
-
- Em ji
derve bi rengekî polîtîk têne asîmilekirin, lê dema ku em di mal
de bi awayeke însanî jî behsa hebûna xwe bikin, dîsa ev xwestekên
me yên însanî jî bi rengeke polîtîk tê berovajîkirin û manûpilekirin.
-
- Em di
mal de jî bi rengekî polîtîk -lê bêhemdî!- xwe bi xwe asîmile
dikin, lê gava ku yek bêhemdî jî behsa hebûna xwe bike, mixabin ji
hêla ‘bira’yên din ve dîsa bi rengekî polîtîk tê berovajîkirin.
-
- Êdî
di mal de jî xwestekeka me ya herî însanî jî ji hêla birakên din
ve wekî ‘propaganda, milîyetçîlîk, kûrtçûlûk, polîtîk’ têne
manûpilekirin.
-
- Dema
em hinekî zorê bidin van xwestekên xwe yên herî însanî jî,
hindik dimîne ku serê me bê þikandin, ev xwesteka me bi metodên nas
di mal de jî têne terorîzekirin.
-
- Helbet
dewletên dagirker di êriþ û polîtîkayên xwe yên asîmîlekirinê
de jî heta radeyekê bê minet in!
-
- Lê
gelo em ê ji xweasîmilasyona ku em þev û roj li dijî hev dikin re
çi bibêjin.
-
- Helbet
derdê min ji xweasîmilasyonê ne tenê ziman û çand e, lê rih,
fikir, rabûn û runiþtandin, orf û adet, û hemû heyîn û neyîna
me ye jî!
-
- Min
ji tecrûbeyên xwe, vê yekê fêm kiriye: Di nav hin kurdan de meriv
ne tenê behsa azadiya Kurdistanê, lê behsa seksa kurdî jî bike,
behsa þekaleke kurdî jî bike, wê ji hêla wan ve wekî mesaja siyasî-polîtîk
bête binavkirin.
-
- Em
tireke kurdî jî bikin, em weke parsekên kurd mal bi mal jî bigerin,
em di halê xwe de bi têra xwe bi kurdî jî bigirîn, wê ji hêla hin
tirkmancên malê ve wekî helwesteke polîtîk bête berovajîkirin.
(Xwestekên polîtîk jî helbet her dem rewa ne!)
-
- Ji
ber ku ew bi rengeke polîtîk hatine asîmilekirin, loma xwestek û
helwestên me yên herî rewa jî wekî meseleyeke polîtîk bi nav
dikin û çirtovirto dikin.
-
- Mixabin
sîstema dewleta tirk heta radeyekê hiþê me manûpile kiriye û çeliqandiye;
êdî em nikarin di nav deh kurdan de rasterast behsa hebûna xwe jî
bikin. Dema em bikin jî em ji hêla wan birakên xwe ve xwedêgiravî
li ser navê welatparêziyê bi metod û rêbazeke melahîm ve têne perçiqandin
û recimandin…
-
- Em
gelek caran dikarin li dijî dewletê jî derkevin û behsa ziman û
Kurdistana xwe bikin, lê em nikarin li dijî hev derkevin û doza hebûna
xwe li hev bikin…
-
- Em
gelek caran bi çalakî û xebatên xwe ve sîstema dewletê jî dixetimînin,
lê mixabin em nikarin wisa hêsanî sîstema ku dewletê di nav me de
saz kiriye bi çalakiyekê ve xira bikin û bipeliþînin.
-
- Dêna
xwe bidine tirkiya ku di saziyên me de kon vegirtiye, dêna xwe bidine
‘welatparêziya bi tirkî’ ya ku hukmê li kurdî dike, hûn ê hingê
vê sîstema ku di nava me de rûniþtiye çêtir fêm bikin…
|
|
|