|
|
- Rihê
Mîzahê û Xeyalên Civakekê
-
-
-
-
- Evdile
Koçer, evdilekocer@yahoo.com
-
-
-
-
-
- Rihê mîzahê dema ku bi wê aqilkêþî
û dilkeniya xwe ve li qibleya civakekê xwe rapêçe dê bihara
serkeftinê jî nêzîk bibe û dê xeyalên civakekê jî zûka pêk
were!
-
- Ne hewce ye ku ez bi gotinên
‘teorîk’ ve vê nivîsê biqedînim û serê we û xwe biêþînim.
Bi kurt û kurmancî derdê min ev e ezbenî:
-
- Ev demek dirêj bû min jî wekî
Martîn Luther King li derdor digot, ‘Xeyalekê min heye!’ û li ser
rol û hebûna mîzahê min qirika xwe diqetand. Xeyalê min ew bû ku:
meriv bikaribe bi xêra rih û hebûna mîzahê wekî dîwarên bilind
ên ji bedena Kurdistaniyan li hemberî dagirkeran bisekine û xeyalên
civaka xwe zûka þîn bike!
-
- Li ser erîþên dewleta tirk (bi xêra
dewlet-lektûelên xwe ve!) ya li ser zimanê kurdî û min mû bi zimanê
xwe ve nehiþt û heta bi xêra japonî û çînî jî min henekên xwe
bi dewletê û dûvik-lektûelên wê dikir! Helbet di vê meseleyê de
min sersariya sazî û civaka tirkmancan jî ya li ser zimanê kurdî ti
carî piþtguh nedikir û heqê wan nedixwar.
-
- Lê þikir ji Xwedê re, Belediya
Yenîþehîr ya Amedê vê xeyala min hinekî pêk anî û dilê min
honik kir. Belediye, di afîþên xwe yên ji bo pîrozkirina 8’ê
Adarê ya roja jinên kedkar de bi zimanê çînî helwest û
dagirkeriya dewleta tirk ya li ser zimanê kurdî bi þêwazeke îronîk
protesto dike û hemû xeyalên min pêk tîne.
-
- Ma ez ê çi derewan bikim: Di
xewna xwe de jî min hêviyek wisa ji wan nedikir.(Heyla min çavên we
xwarooo, rêvebernooo!)
-
- Lê ev demek e ez dibêjim qey RIHÊ
MÎZAHÊ li seranserê Kurdistanê digere û dikeve dilê hemû kurdan.
Kurd êdî henek û genekan ji hev derdixin û hêdî hêdî vedigerin
ser rihê xwe. Çanda qerf û henekên modern, bayê mîzaha belakir êdî
di nav civaka me de jî dikemile û distewe!
-
- Ma ev yek ji manþetên Azadiya
Welat jî ne kifþ e ezbenî? Ew manþetên îronîk û dilbeþer (lê têr-aqil!)
tu dibêjî qey wekî barîkatan nefesa dagirkeran diçikîne û rê li
hiþê civaka me vedike. (Heyla min çavên we xwarooo, edîtornooo!)
-
- Lê herî zêde espîriya wî gerîlayê
dilgeþ dilê min xweþ kir. Helbet niha îmana Roma Reþ jî reþ
kiriye: Gerîlayê ku parçeyên helîkoptera “qirilmîþ” yekoyek nîþanî
kameravanî dikir, di ber jî wekî heyranokekê henekên xwe vedirêst,
“Bikiþîne, haa ev parçe jî ev dîmen jî bila diyariya me be ji bo
Bûyûkanit…” (Heyla min çavên te xwarooo, þervanooo!)
-
- Akin Bîrdal jî li ser sehneya
Londonê te digot qey wekî Xoce Nisredîn stand-upiyê dikir û tinazên
xwe li þkestin û xwepaþvekiþandina dewleta tirk dikir: “Filankes,
ji kerê ketibû, lê ji derdor re digot ez daketime…” (Heyla min çavên
parlamenteriya te xwarooo!)
-
- Xwedê xêr ke, lê rihê mîzahê
vê hefteyê tesîra xwe li civîn û çalakiyên DTPê jî kir. Di civîna
DTPê ya li meclîsê de sê ‘delal’ên kurdan serê xwe bi rengên
kesk û sor û zer pêçan û bi vê riya aqil û baqiliyê hem piþta
AKP-yiyên xwe-parêz û hem jî piþta Kemalîstên text-parêz þkand!
(Heyla min çavên Zînên jîr xwarooo!)
-
- Di çalakiya DTPê ya li Batman û
Mûþê de jî, hinek komir û meqerne pêþkêþî AKPê kirin. Helbet
qenc kirin, ez çavên wan jî bixwim. Lê heke ez bim bila hinek ji van
meqerne û komiran biþînin ji Navenda DTPê re jî, da ku beroþa hin
siyasetmedarên statûko-parêz bêtir bikele û piþta wan her germ bimîne!
-
- Belkî bi xêra çalakiyeke wisa êdî
dev ji ‘çeqçeqok’a xwe berdin û bikevin pey ‘aþ’ê civaka
xwe! Helbet hingê dê AKP’yiyên RIH-FAÞÎST jî nikaribin li ser
bedena civaka me biçêrin.
-
- Gotina dawî ez bihêlim dîsa ji wî
aþtîxwaz û lîderê reþikên Amerîkî Martîn Luther King re, “Tiþta
ku di dawiyê de were bîra me: ne gotinên neyarên me, lê dê bêdengiya
dostên me be!”
-
-
-
-
|
|
|