|
|
- Tirkên
ku dixwazin bibin Kurd!
-
- Evdile
Koçer, evdilekocer@yahoo.com
-
-
-
-
-
-
- Grûbeke bi navê “Genç Sivîller”(Sivîlên
Ciwan) bi daxuyaniyekê ve eþkere kirin ku êdî dixwazin bibin Kurd!
(Weyyy aqubet li serê kurdan jî!). Û ji bo ku bibin ‘Kurd’ jî dê
bikevin nav tevgerê û serî li hin rêze-çalakiyan bidin.
-
- Erê ‘Sivîlên Ciwan’ xweþ
gotine: “Kurd bi têra xwe bûne Tirk, divê em jî hinekî bibin
Kurd…”. Ev meseleya ‘Tirkbûna Kurdan’ rast e û wekî mast e, lê
ez li vir bang li vê grûbê dikim û dibêjim: Hevalno delalno, werin
dev ji vê miraza xwe berdin û nebin Kurd; werin carekê jî gohê xwe
bidin vî koçerî, ji nîvê rê vegerin û xweliya çar hezar gundên
þewitî bi serê vê xweziya xwe de nebarînin.
-
- Heyran, ka carekê hûn jî
bifikirin: Camêr dixwazin ku bibine Kurd!!! Weyyy ser seran û ser çavan,
lêêêêê… lê ez ditirsim ku hêj ku negotine ‘Roj-baþ!’ dê
li rastî hin kundirên xaromaro û þaþomaþo bên. Û dê bi çavê
serê xwe bibînin ku roja wan ÞAÞ, riya wan KAÞ û ew bi xwe jî FAÞ
bûne û -serê we xweþ be!- bûne TIRKMANCên ciwanên sivîl…
-
- Dê bixwazin ku piçekî fikra
kurdayetiyê nas bikin, lê dê ji niþka ve xwe di nava wê ‘Behra
Kurdayetiya Berovajîkirî’ de bibînin û dê fêm bikin ku heta gulî
û keziyên xwe ve jî bûne KURDÊN KEMALÎST…
-
- Dê bi tîqetîqên xwe ve bidin
pey þopa du henek û tinazên kurdî, lê dê li rastî hin guh-dirêjên
ku bi henekî dibêjin, ‘Zimanê me yê biyanî Tirkî ye!’ bên û
dê fêm bikin ku ev GUHDIRÊJ nizanin bi kurdî guhê xwe jî bel bikin
û genekekê jî bikin…
-
- Dê bixwazin ku ‘Ey Reqîb’ fêr
bibin, lê dê fêm bikin ku wekî stranbêjên ku dixwazin zûka meþhûr
bibin, tûrkû(?)ya partiyekê ji ber kirine…
-
- Dê hewl bidin ku ‘Alaya
Kurdistanê’ nas bikin, lê dê li rastî pêþengeha alayên rêxistin
û partiyên kurdan bên…
-
- Dê pirr kêfxweþ bibin ku çend rêveberên
kurdan nas bikin û ji wan çend perspektîfên nû wergirin, lê dê
serê wan li ‘Dîwarên Nefsê’û ‘Gundiyên Xwepivdayî’ bikeve
û ji mecbûrî dê gohê xwe bidin çend reþ-name û gotegotên
postmodern…
-
- Dê bixwazin ku serdana malbatên
þehîdan bikin û halê wan bipirsin, lê bi xêra çend ‘Kurdên di
afira xelkê de’ dê bibînin ku li ser dîwana Mehmetçîk Vakfi runiþtine…
-
- Dê bi heyecaneke mezin ve gohê
xwe bidin qevdek stranên kurdî, lê dê kerrika gohê wan tejî fonetîka
tirkî be û dê bihizirin qey Stranbêjên Tirk van stranan bi kurdî
distrên.
-
- Dê xwe li behra toleransê ya çend
kurdên serwext bidin û dê bixwazin ku ‘Bejna Çanda Rexneyê’ bipîvin,
lê bi meqam, isul û retorîkeke ecêb ve dê ew jî fêrî ‘Çanda
Sansûr û Otosansûrê’ bibin û dê çîroka me giþan bavêjin nav
deviya korezanan û dê bi zimanê tirkmancan rehme li dêbavê me hemûyan
bînin.
-
- Belkî dînemêrtiyekê bikin û
bixwazin ku Newala Qesaban û Geliyê Zîlan jî bibînin, lê mumkûn e
ku çend ‘welatparêz’ riya Ofîsa Amedê û Kizlar Tepesî ya Sêrtê
nîþanî wan bikin û îca hetka me biçe çem û çemmmmm…
-
- Ji ber vê yekê ez dîsa dubare
dikim: Werin dev ji vê xweziya xwe berdin û nebin KURD! Werin vê
xwesteka xwe ya gulgulî di vê BIHÛRKA KURDAN re derbas nekin û ji
kerema xwe re me giþan rezîl nekin.
-
- Jixwe va ye hindik maye ku çend
‘Koçer’ên wekî min jî ji van kul û derdên kurdan serî li
‘Qanûna Poþmaniyê’ bidin û bixwazin ku bibin TIRK…
|
|
|